Nso ke Bible Etịn̄ Aban̄a Mbon Emi Mîdọhọ Ndọ Ndidụn̄ Kiet?

Se Bible etịn̄de

Bible ọdọhọ ke Abasi oyom mme owo “ẹbet use.” (1 Thessalonica 4:3) Ikọ oro “use” ke Bible ọdọn̄ọ n̄kpọ awak. Enye esịne efịbe, erenowo ndinam ima ye erenowo, m̀mê n̄wan ndinam ima ye n̄wan nte enye, ye erenowo ye n̄wan emi mîdọhọ ndọ ndinam ima.

• Ntak emi ebehede Abasi m̀mê erenowo ye n̄wan emi ẹdụn̄de kiet ẹdọ ndọ m̀mê idọhọ?

• Nso kaban̄a ndidụn̄ kiet man ẹse m̀mê mmọ ẹyekeme ndidọ idemmọ?

• Didie ke ebe ye n̄wan ẹkeme ndinam ndọ mmọ ọfọn?

Ntak emi ebehede Abasi m̀mê erenowo ye n̄wan emi ẹdụn̄de kiet ẹdọ ndọ m̀mê idọhọ?

• Abasi ọkọtọn̄ọ n̄kpọ ndọ emi. Enye ọkọtọn̄ọ ndutịm emi ini Enye akanamde n̄wan ọnọ akpa owo emi enye okobotde, man mmọ ẹkabade ẹdi ebe ye n̄wan. (Genesis 2:22-24) Enye ikoyomke erenowo ye n̄wan ẹnyụn̄ ẹdụn̄ ntre idọhọ ndọ.

• Abasi ọdiọn̄ọ se ifọnde ye nnyịn ikan. Abasi okoyom ebe ye n̄wan ẹdiana kiet tutu mmọ ẹkpa, ndọ mmọ onyụn̄ anam ufọn ọnọ ubon mmọ. Se uwụtn̄kpọ mi. N̄wed ndausụn̄ esin̄wam owo ọdiọn̄ọ nte okpobonde mbufa n̄kpọufọk esie. Ukem ntre, ndausụn̄ oro Abasi ọnọde nnyịn esinam idiọn̄ọ nte ikpanamde ubon nnyịn enem. Nte Abasi ọdọhọde idu uwem esifọn ye mbon oro ẹmade.​—Isaiah 48:17, 18.

  

• Ndinam idan̄ mbemiso ndọ esisan̄a ye ediwak afanikọn̄. Ke uwụtn̄kpọ, ekeme ndinam owo emen idịbi ke ini enye mîkeben̄eke idem, emen ndiọi udọn̄ọ emi esidade ẹto idan̄, onyụn̄ anam esịt esitịmede owo.

• Abasi okoyom ebe ye n̄wan ẹnam idan̄ man mmọ ẹkeme ndinyene nditọ. Abasi ada uwem ke edisana, ndien Enye onyụn̄ anam nnyịn ikeme ndinyene nditọ. Abasi oyom nnyịn ima nte Enye ayakde nnyịn ikeme ndinyene nditọ, inyụn̄ ikpono ndo.​—Mme Hebrew 13:4.

Nso kaban̄a ndidụn̄ kiet man ẹse m̀mê mmọ ẹyekeme ndidọ idemmọ?

Idịghe erenowo ye n̄wan “ndidụn̄ kiet” man ẹse m̀mê mmọ ẹyekeme ndidọ idemmọ edinam ndọ mmọ ọfọn. Utu ke oro, ebe ye n̄wan ẹma ẹdiana kiet ẹnyụn̄ ẹben̄e idem ndiyọ se ededi oro ọwọrọde mmọ, ndọ mmọ ọyọfọn.a Ndọ esinam ebe ye n̄wan ikpọn̄ke kiet eken.​—Matthew 19:6.

Didie ke ebe ye n̄wan ẹkeme ndinam ndọ mmọ ọfọn?

Idụhe ndọ ndomokiet emi mfịna mîsidụhe. Edi ebe ye n̄wan ẹkeme ndinam ndọ mmọ enem, edieke mmọ ẹnamde se Bible etịn̄de. Se n̄kpọ ifan̄ oro ẹkemede ndin̄wam mmọ mi:

• Sibem iso yom ufọn ebe m̀mê n̄wan fo.​—1 Corinth 7:3-5; Philippi 2:3, 4.

• Ẹma ẹnyụn̄ ẹkpono kiet eken.​—Ephesus 5:25, 33.

• Diọn̄ọ se esitịn̄de.​—Mme N̄ke 12:18.

• Sinyene ime, ẹnyụn̄ ẹsisọp ẹfen ẹnọ kiet eken.​—Colossae 3:13, 14.