Beɗea djiwiɗi cawai carea

Estados Unidos

Los Angeles purura waiɓʉa ɓʉda. Jãma semaforo zocãrã ɓʉsiɗada. Semafororã aɓari quĩrãca unu panʉda. Periodico Nueva York puruɗebemaba jara ɓʉda ni aɓaʉ puruda jãʉ̃ra naẽna oɗacaa basida (The New York Times).

Naʉ̃ ẽjũãne

Jẽdaarebema ewariɗe panʉ bẽrã, maʉ̃ bʉrʉ zocãrã ẽberãrã boreguea ɓeada baraa. Maʉ̃ bʉrʉ beubadaa. Nãʉ̃ ewariɗera coɗira zocãrã ero panʉmĩna, baribʉrʉ ne biara coɗacada. Maʉ̃ bʉrʉ caya wãbadada, beubadaa. Idjaɓa ẽberãrãba cobadada ne urʉɗada. Jãʉ̃gʉba dadjirãa boregueapeɗa beubadaa. Jãʉ̃ra jarasida Majid Ezzati.

Islas Midway

Ĩbana wẽrã djora wãya nana ɓa ɓesida. Idji trʉ̃ Albatros de Layzán. Jãʉ̃gʉ ĩbanaa, carta cawa ɓearãba seña bara ɓʉsiɗada bio cawaɗi carea. Jãʉ̃gʉɗeba cawasiɗada jãʉ̃ ĩbanara tʉmʉ wã ɓarisida.

Sudafrica

Sudafricaɗebemaba wẽrãrãba pãbada quera quĩrãne. Baribʉrʉ jãʉ̃ jãgona quĩrã torroai carea. Mãʉ̃ bʉrʉ jãʉ̃ra leyra aɓa jarasiɗada poya oɗaẽ́da, jãʉ̃gʉba ne cadjirua mãwãbari bẽrã dadji cacuaɗe. Jãʉ̃gʉba cacua biẽ́ ɓadada jidabarida cancerda idjaɓa cacua ogorobarida. Idjaɓa dadji sopuabibari. Idjaɓa quĩrãne seña bara ɓebarida.