BEƊEA BIA CUARIARA CAREA | CŨDRARÃ CAREA
¿Cãrẽda oibarai dewaraba quẽãɓʉdaɗe?
¿CÃRẼDA MÃWÃ ƁɄ?
Dewaraba quẽãibʉrʉ, jaʉ̃gʉba acʉbi ɓʉda jipa o ɓʉbara quẽãiẽ́da ɓʉda. Jipa oẽ́ baera maʉ̃ bʉrʉ quẽãbadada. Ʉ̃cʉrʉba quĩrĩãnacada quẽãnira (Amanda, 17 poa ero ɓʉda).a
Ẽberãrãba avionda jipa edeɗi carea quĩrãcuita ĩjãida dji ẽberãrãra torre controlɗebema jara ɓʉra. Jãʉ̃da ĩjãnaẽ́bʉrʉ avionda idji quĩrã tẽũne wãnida. Ara jãʉ̃gʉ quĩrãca dadjirãba consejo bia ĩjãnaẽ́ panʉbʉrʉ biẽ́ wãnida.
¿Bʉmaarã zarea ɓʉda bʉ zezeba quẽãida, wa bʉ maetroba quẽãida? Cartaɗe ɓʉ ɓʉba bio careba ɓʉda.
BɄA CAWAIBARAI
Biara ɓʉda quẽãnira.
“Jũma dadjirãba ɓarima zocãrã ãĩ obadaa” (Santiago 3:2).
“Peraẽ́da dewarauba jaraida: bʉa ne cadjirua oɗara” (Yesica).
Dewaraba quẽãbʉrʉɗe jaʉ̃gʉba jara quĩrĩã ɓʉẽ́da bʉra ẽberã cadjiruada.
“Jeowabab quẽãbarida idjia bio quĩrĩã baera, zezeba dji warra quĩrĩã ɓʉ quĩrãca” (Proverbios 3:12).
“Dewaraʉba mʉ̃da quẽãibʉrʉ jãʉ̃gʉba jara quĩrĩã ɓʉda idjia mʉ̃ra quĩrĩã ɓʉda. Baribʉrʉ zarea ɓʉda oira” (Tamara).
Dewaraʉba bʉ quẽãbʉdaɗe jãʉ̃ra carebaida jipa oi carea.
“Ũrĩdua consejo bia, bio crĩcha cawa ɓai carea” (Proverbios 8:33).
“Crĩcha cawa quĩrĩã ɓʉbʉrʉ biara ɓʉda quĩrãcuita ũrĩda dewaraʉba bʉ́a quẽãbʉdaɗe” (Diana).
¿CÃRẼDA POYA OIBARA?
Jãʉ̃gʉba bio careba ɓʉda bʉa crĩcha bia eroɓai carea. Chupea ũrĩdua. ¿Cãrẽda oi bara ɓʉda dewaraʉba quẽãbʉdaɗe? ¿Ɓʉra ara maʉ̃da quĩrũi bara ɓʉda? Necaidua, chupea ũrĩdua dewaraʉra quẽãɓʉdaɗe. Crĩchadua, eɗauɗe bʉ́a dewaraʉba quẽãbʉrʉɗe, ¿cãrẽã jãʉ̃ra o ɓʉda? Dewaraʉba jãʉ̃ra o ɓʉda quĩrĩã ɓʉ bẽrã. Ara jãʉ̃gʉ quĩrãca dewaraʉba bʉra quẽã ɓʉda bio quĩrĩã ɓʉ bẽrã bʉra. (Ãcõrẽ Beɗeaba jara ɓʉra: Eclesiastés 7:9ɗe).
“Eɗauɗe bio quĩrũ ɓʉbʉrʉ. Maʉ̃ bʉrʉ dewaraʉba quẽãbʉrʉɗe, maʉ̃ cãyãbara biara ɓʉda idji crĩchara carebaɗida” (Teresa).
Crĩcha droma crĩchacaa. Crĩcha droma eroɓʉbʉrʉ quĩrãcuita ũrĩnaẽ́da dewaraʉba quẽãbʉrʉɗe. Jãʉ̃ra biẽ́ ɓʉa. Maʉ̃ cãyãbara quĩcha eɗaara eroɓʉbʉrʉ quĩrãcuita ũrĩda dewaraʉba quẽãbʉrʉɗe bia jipa wãmãrẽã. (Ãcõrẽ Beɗeaba jara ɓʉra Proverbios 16:18ɗe).
Maʉ̃ cãyãbara quĩcha eɗaara eroɓʉbʉrʉ quĩrãcuita ũrĩda dewaraʉba quẽãbʉrʉɗe bia jipa wãmãrẽã.
“Jipa wãi careara quĩrãcuita ũrĩda. Ũrĩẽ́bʉrʉ, biẽ́ wãida” (Lena).
Bia ɓʉaɗa aida dewaraʉba quẽãbʉdaɗe. Idjia jãʉ̃ra o ɓʉ bio quĩrĩã baera jipa wãmãrẽã. (Ãcõrẽ Beɗeaba jara ɓʉra Salmo 141:5ne).
“Bia ɓʉaɗa aibʉrʉ, dewaraʉrãba ununida bia. Dewaraʉba beɗeabʉdaɗe ibiya beɗeaida” (Carla).