ACɄƊE WÃNA
Marco 6:30-34
BEƊEA 9
So puaida dewaraʉ carea
Ãcõrẽ beɗeaba jarabʉra: “Ɓʉsriɗa beame ɓʉrsiɗa beaɗadua; sopua beame sopua beaɗadua” (Rom. 12:15).
Jesuba oɗara
1. Acʉdua VIDEO, o leadua Marco 6:30-34. Jãʉgʉ oɗapeɗa araarebemada idiɗida:
¿Cãrẽ cãrẽã Jesura dji nĩbabadarãme ãyã wãsiɗada?
¿Cãrẽ cãrẽã Jesuba jaradiasida ẽberãrã zocãrã?
¿Cãrẽda cawapanʉda Jesuɗebemada?
2. Biara bʉda dadjirã so puaɗida bãrã carea.
Jesuba oɗa quĩrãca oɗida
3. Ũrĩda dewaraʉrãneda. Quĩrãcuita ũrĩnida panʉa adjirãneda. ¿Sãwã panʉda adjirãra? Mãwãra adjirãba crĩchaɗida dadjirãba careba quĩrĩã panʉda.
4. Crĩchaida idjia beɗeaɗacare. Bʉdjidʉba crĩchaida:
¿Cãrẽã biara bʉda dewaraʉba Ãcõrẽ beɗea cawaira?
Ãcõrẽ beɗea cawaibʉrʉ, ¿sãwã baida idjira?
5. Jaradiaida sãwã Ãcõrẽ beɗeara carebabʉda. Ara maʉda Jaradiadua Ãcõrẽ beɗeaba sãwã carebabʉda, maʉ carea bio biara bʉda Ãcõrẽ beɗea cawaira.
LEADUA
Rom. 10:13, 14; Phil. 2:3, 4; 1 Pet. 3:8