Sopua barida dewaraʉ carea

Jesuba oɗara

VIDEODA: Jesu wẽrãme beɗea basida baido uria juebada mae

1. Acʉdua VIDEO, o leadua Juaʉ 4:​6-9. Jãʉ̃gʉ oɗapeɗa araarebema idiɗida:

1. ¿Jesuba cãrẽda unusida beɗeai naẽna wẽrãme?

2. Jesuba maʉ̃ wẽrãa jarasia: “Mʉ̃́a baidoda diadua” ¿cãrẽ cãrẽã bio bia basida Jesuba jaraɗara wẽrãme beɗeai carea?

¿Cãrẽda cawasiɗada Jesuba oɗaɗeba?

2. Biara bʉda beɗeaɗida dewararãme ãdjia quĩrĩã panʉnebemada.

Jesuba oɗa quĩrãca oɗida

3. Crĩchadua dewaraba crĩcha bʉra. Beɗeai naẽna crĩchaida dewaraba crĩcha bʉra, crĩchapeɗa beɗeaida dewarame idjia quĩrĩã bʉ quĩrãca, crĩchadua jãʉ̃gʉɗe.

1. ¿Cãrẽda jara panʉda televisioʉ̃ne, o radioɗe, telepono biɗa?

2. ¿Cãrẽda beɗea panʉda ẽberãrãba bʉ comunidaɗe, bʉ trajuɗe, bʉ ecuelaɗe biɗa?

4. Acʉida. Crĩchadua jãʉ̃gʉɗe:

1. ¿Jãʉ̃gʉ ẽberãba cãrẽda o bʉda ara naʉ̃da? ¿Jãʉ ẽberãba cãrẽda crĩcha bʉ?

2. Crĩchapeɗa acʉida, ¿sãwã panʉda? ¿Cãrẽ cultura eropanʉda? ¿Cãrẽ religión eropanʉda? ¿Sãwã panʉda ãdji dera?

3. ¿Biara bʉda beɗeaida idjime ara naʉ̃da?

5. Ũrĩdua.

1. Maãrĩ beɗeadua.

2. Idu beɗeabidua dewararã. Mãwãnacare ididua.