¿Cãrẽda oɗibara panʉ cuariara bia panani carea?

BIBLIABA JARA ƁɄRA

“Ãcõrẽ beɗea ũrĩnapeɗa ĩjã obadarãda biara ɓeaa” (Luca 11:28, Ãcõrẽ Beɗea).

CÃRẼÃ BIA ƁɄDA CAWAIRA

Ununia cãga ɓʉda wãrã arada (Epeso 5:28, 29).

Wayaɗibara (Epeso 5:33).

Jũmarãme aduá ɓeaɗida (Marco 10:6-9).

¿BIBLIABA JARA ƁɄRA POYA ĨJÃNIDA WÃRÃDA?

Mãẽ, umé beɗeaɗe:

• Ãcõrẽba osia cuariara. Ãcõrẽ Beɗeaba jara ɓʉda Jeowara Ãcõrẽda mĩã cãĩbisida nabema umaquĩrã wẽrãme (Genesi 2:18-24). Dewarau beɗeaɗe jara quĩrĩã ɓʉda, cuariara ɓʉda Jeowaba oɗa bẽrã. ¿Cãrẽa biara ɓʉda naʉ̃gʉ cawaɗi?

  Naʉ̃gʉ quĩchadua: Bʉa neco ɓʉda paɗa wuarra ɓʉ, cawa quĩrĩã ɓʉbʉrʉ sawã oɗada, ¿Caia bʉrʉ idida? Mãẽteara dji oɗabʉrʉ idida.

  Ara maʉ̃ quĩrãca bʉa cawa quĩrĩã ɓʉbʉrʉ sãwã biya ɓaida bʉ cuariarame, bio biara ɓʉ idida Jeowa, idjia oɗa bẽrã.

• Ãcõrẽra sopuabari dadjirã carea. Bʉra bʉ cuaria siɗa biara ɓaida jʉrʉ panʉbʉrʉ Jeowaba jaraɗara dji Bibliaɗe, “idjia bãrãra waga ɓʉ bẽrã” (1 Pedro 5:6, 7). Jeowaba ne bia dia quĩrĩã ɓʉda dadjirã itea. Idjia jaraɗara biara ɓʉda (Proverbios 3:5, 6; Isaías 48:17, 18).