BEƊEA 03
¿Poya ĩjãnida Bibliaba jara ɓʉra?
Bibliaba jara ɓʉda zocãrã beɗea biara idjaɓa ʉ̃rãga biada. Eɗauɗe bʉa cawa quĩrĩã ɓʉda Bibliaba jara ɓʉra baribʉrʉ bʉa jũma poya ĩjãẽ́da. ¿Jãʉ̃ cartara drõãenabema poya ĩjãnida? ¿Bibliaba jara ɓʉra bia panani carea naʉ̃ ewariɗera idjaɓa ewari zebʉrʉɗera poya ĩjãnida wãrãda? Zocãrã ẽberãrãba wãrãda ĩjãbadaa. Bʉdjiduɓa cawadua cãrẽã dadjirãba jãma quĩcha panʉda wãrãda ĩjãnamãrẽã Bibliaba jara ɓʉra.
1. ¿Bibliaba jara ɓʉra wãrãda mãwãsica?
Bibliaba jara ɓʉ jãma ɓʉ́ ɓʉra “beɗea wãrã arada” (Eclesiastés 12:10). Jara ɓʉda naẽna cãrẽda mãwãsida idjaɓa nẽbʉrʉɗa wãrãda ẽberãnebemada (Leadua Luca 1:3; 3:1, 2). Ẽberãba nẽbʉrʉbadara idjaɓa drõãena puru estudiaɗaba jãʉ̃ba acʉbi ɓʉ dji ewarira, ẽberãrã, purura idjaɓa jũma mãwãnara Bibliaba jara ɓʉra wãrã arada.
2. ¿Cãrẽã ĩjãbadada Bibliaɗera dji cartara drõãenabemamĩna?
Bibliaba jarasida ne zocãrã beɗeara jãʉ̃ ewariɗera ɓʉsiɗaɗe ãdjirãba cawaɗaẽ́ ɓasiɗaa. Ejemploda jara ɓʉda naʉ̃ ẽjũãra sãwã ɓʉda, Biblia ɓʉsiɗaɗe ẽberãrãba ĩjãnaẽ́ basiɗamĩna. Baribʉrʉ naʉ̃ ewariɗera ẽberã ẽjũã bio cawa ɓeara aɓarida jarabadada Bibliaba jaraɗa quĩrãca. Idji beɗeara sewa jaracada, “idjia jaraɗara bio ĩjãnida iɗi idjaɓa dãrã ɓaida” (Salmo 111:8).
3. ¿Cãrẽã ĩjã panʉda Bibliaba jara ɓʉra ewari zebʉrʉɗera?
Bibliaba naẽna jaraɗaraa naʉ̃ ewariɗera “cãrẽda mãwãida” (Isaías 46:10). Dãrãbʉrʉɗe eɗa Bibliaba jarasida iɗiɗera cãrẽda mãwãi ɓasia idjaɓa jarasida naʉ̃ ẽjũãra sãwã ɓai ɓasida. Naʉ̃ beɗeaɗe acʉɗida Ãcõrẽneba beɗeabadarãba ɓʉɗara. Jũma ɓʉɗara wãrã arada.
BIO CAWAƊIDA NAɄ̃ BEƊEAƊE
Acʉɗida Ãcõrẽ Beɗeaba jara ɓʉra ẽberãme ẽjũã bio cawa ɓeara aɓarida jarabadaa. Idjaɓa acʉɗida ʉ̃cʉrʉ beɗeaɗe biara Ãcõrẽneba beɗeabadarãba ɓʉɗara.
4. Ẽberãrã ẽjũã bio cawa ɓeara jara panʉda Bibliaba jara ɓʉ quĩrãca
Naẽnaena ẽberãrãba quĩchabadjiɗaa ẽjũãra ɓʉda dji ne waiɓʉara ʉ̃rʉ̃. Acʉɗadua dji VIDEODA.
Acʉdua Joɗebemaba jara ɓʉra tres mil quiniento poaga naẽna. Leaɗapeɗa Job 26:7, beɗeaɗadua:
¿Cãrẽã bio biara ɓʉda Bibliaba jara ɓʉra naʉ̃ ẽjũãra jira ɓʉda “ne neẽ́ne”?
Bibliaba jara ɓʉda baidora ẽjũãne ipi ɓacada. Beseaba jʉ̃wʉ̃rʉ̃ãbibarida baidora do, pusara idjaɓa cowabarida. Jãʉ̃ baidora cũrãsapeɗa wãya ɓaebarida ẽjũãnaa cue quĩrãca. Dosciento poaga eɗa ẽberãrãba cawasiɗada baidora ẽjũãne ipi ɓacada. Baribʉrʉ acʉdua Bibliaba jara ɓʉra dãrãbʉrʉɗe eɗa. Leaɗapeɗa Job 36:27, 28, beɗeaɗadua:
¿Cãrẽda quĩrĩã ɓʉda baido ipi ɓacada ẽjũãne?
¿Jãʉ̃gʉ texto leapeɗa mãsa ĩjã quĩrĩã ɓʉda Bibliaɗe?
5. Biblia jarasida cãrẽ ne bio biara ɓʉda mãwãi ɓasia
Leaɗapeɗa Isaías 44:27–45:2, beɗeaɗadua:
Dosciento poaga naẽna, ¿cãrẽda Bibliaba jarasida Babilonia purura sãwã jõbi ɓasida?
Nẽbʉrʉbadara jarabadaa 539 poagaɗe D.E.N.b dji boro Ciro dji ejercitorãme jõbisiɗaa dji puru Babilonia. Dora wãbisida dewara oɗe. Dji jũãtrʉbari Babiloniaɗebemara ewa ɓaɗa bẽrã, eɗa wãnapeɗa poyasiɗada djõnaẽ́ basiɗada. Jãʉ̃ra mãwãsida dos mil quiniento poaga naẽna. Iɗiɗera Babiloniara waɗi ãrĩ ɓʉda. Nanebe acʉɗida Bibliaba jaraɗara.
Leaɗapeɗa Isaías 13:19, 20, beɗeaɗadua:
¿Sãwã jãʉ̃ra mãwãsia?
Babilonia purura ãrĩ ɓʉda jãma Iraqmae
6. Bibliaba jarasida naʉ̃ ewariɗera cãrẽda mãwãi ɓasia
Bibliaba jara ɓʉda dadji ewariɗera “jĩrũarebema ewariɗe” (2 Timoteo 3:1). Acʉdua cãrẽda jara ɓʉda naʉ̃ ewariɗera:
Leaɗapeɗa Mateo 24:6, 7, beɗeaɗadua:
¿Cãrẽ beɗea bio biara ɓʉda Bibliaba jarasida naʉ̃ ewariɗera mãwãi ɓasia?
Leaɗapeɗa 2 Timoteo 3:1-5, beɗeaɗadua:
Bibliaba jara ɓʉ quĩrãca, ¿jĩrũarebema ewariɗe ẽberãrãba sãwã oɗida?
Bibliaba jara ɓʉ quĩrãca, ¿sãʉ̃gʉda bʉa unusi?
ẼBERÃRÃBA JARA PANɄRA: “Bibliaba jara ɓʉra sewada idjaɓa nẽbʉrʉɗada”.
Bʉmaarã, ¿cãrẽã poya ĩjãnida Bibliaba jara ɓʉra?
JŨMA BEƊEAƊA
Ẽjũã bio cawa ɓea, nẽbʉrʉɗa idjaɓa Ãcõrẽneba beɗeabadarãba ɓʉɗara, jãʉ̃gʉba acʉbi panʉda Bibliara poya ĩjãnida.
Cawaɗara
¿Bibliaba jaraɗara wãrãda mãwãsica?
¿Cãrẽ beɗea Bibliaɗebema ẽjũã bio cawabadarãba aɓarida jarabada?
¿Bʉa quĩcha ɓʉda Bibliaba jara ɓʉda cãrẽda mãwãida ewari zebʉrʉɗera? ¿Cãrẽã jãwã quĩcha ɓʉda?
CAWADUA MÃSA
Ẽjũã bio cawabadarãba jaraɗa quĩrãca, ¿Bibliara arimae jaraẽ́ ɓʉda?
¿Cãrẽda acʉbi ɓʉda “jẽdaarebema ewariɗe panʉda” Ãcõrẽneba beɗeabadarãba ɓʉɗara?
“6 beɗeaba jara ɓʉda naʉ̃ ewariɗe mãwãi ɓasia” (Cartaba Jara ɓʉda, 2011, mayo 1)
Cawadua Ãcõrẽneba beɗeabadarãba ɓʉɗara cãrẽda mãwãi ɓasia Griegora borora.
Acʉdua ẽberãda cawapeɗa Ãcõrẽneba beɗeabadarãba ɓʉɗara ĩjã osida Bibliaba jara ɓʉra.
“Mʉ̃maarã, Ãcõrẽra neẽ́da” (Cartaba Jara ɓʉda, 2017, núm. 5)
a Ãcõrẽneba beɗeabadarãba jãʉ̃gʉba ɓʉɗara jarasiɗada cãrẽda mãwãi ɓasia ewari zebʉrʉɗera.
b Jaraɗi carea “Dadjirã Ewari Naẽna” dadjirãba jarabadada dji letra D.E.N. Idjaɓa jaraɗi carea “Dadjirã Ewari” jarabadada dji letra D.E.