Adua beɗeadua

Ãcõrẽ beɗeaba jarabʉra: “Bio biara bʉda jaũ beɗea jarapeɗaɗa bera” (Prov. 15:23).

Pelipeba oɗara

VIDEO: Pelipeba jaradiabʉ ẽberã Egipto drʉa ɗebema

1. Acʉdua jaũ VIDEO, o leadua Hecho 8:30, 31. Jãʉgʉ oɗapeɗa araarebema idiɗida:

¿Pelipeba sãwã osida beɗeai carea?
¿Cãrẽ cãrẽã zareaé basida beɗea bia awara jarai carea jaũ umaquĩrãme?

¿Cãrẽda cawapanʉda Pelipe ɗebema?

2. Dadjirãba bia beɗeaɗibʉrʉ jaũ wẽrã jaũ umaquĩrãme idjira necai baida idjaɓa bia ũrĩda Ãcõrẽ beɗea ɗebema.

Odua Pelipeba oɗa quĩrãca

3. Bio acʉida. Dadjirãba unu panʉne ẽberãra dadjia cawaɗida idjia ũrĩ quĩrĩã bʉa wa ũrĩ quĩrĩãé bʉa. Maʉ carea iwiɗida, ¿idjia wãrãda ũrĩ quĩrĩã bʉa? Bʉa ẽberãme beɗeai carea naãrã iwiɗidua, ¿bʉa cawa buca...? Ẽberã beɗea quĩrĩãé bʉbʉrʉ ãyã wãdua.

4. Jũaĩda beɗeai carea. Crĩcharãdua ¡mʉa ara naʉda beɗeaida Ãcõrẽ beɗea ɗebema! Ãtebʉrʉ necai beɗeaɗida, baɗacarea bʉa poya beɗeaida Biblia ɗebema.

5. Beɗearãdua bʉa quĩrĩã ɓʉba. Aɓaʉba quĩrã awara nẽbʉrʉ quĩrĩã bʉbʉrʉ dadji beɗea quĩrĩãpanʉma jararãdua, ãtebʉrʉ dji ẽberã crĩnchabʉba beɗeadua.

LEADUA

Ecl. 3:1, 7; 1 Cor. 9:22; 2 Cor. 2:17; Col. 4:6