Ne bia odua

Jesuba oɗara

VIDEODA: Jesuba biabi ɓʉda umaquĩrã dauɓerrea ɓʉda

1. Acʉdua VIDEO, o leadua Juaʉ 9:​1-7. Jãʉ̃gʉ oɗapeɗa araarebema idiɗida:

1. ¿Jesuba cãrẽda naãrã osida: ẽberã dauɓerrea biabisia ó Ãcõrẽ beɗeada jaradiasida? (Acʉdua Juaʉ̃ 9:​35-38).

2. ¿Cãrẽã jãʉ ẽberãba ũrĩ quĩrĩã basida Jesura?

Cãrẽda cawasida Jesuɗeda

2. Ẽberãrãba unu panʉne dadjirãba sopua panʉbʉrʉ ãdjirã carea ũrĩ quĩrĩã baida Ãcõrẽ beɗea.

Jesuba oɗa quĩrãca oɗida

3. Crĩchadua dewararã sãwã senti panʉra.

1. ¿Bʉdjiduɓa crĩchadua: Jãʉ̃ ẽberã cãrẽã sopua bʉda? ¿Idji maãrã cãrẽda biara bʉda? Jãʉ̃da crĩchaɗibʉrʉ biara carebaɗida ẽberãra.

2. Quĩrãcuita ũrĩnida cãrẽã idjia sopua bʉda mãwã carebaɗi carea ẽberã beɗea droma eroɓʉɗebemada. Daia beɗea ɓʉbʉrʉ awara beɗea jaraɗaẽ́da.

4. Quĩrĩã beaɗadua waya ɓʉ bera. Dadjirãba wãrãda quĩrĩã djuburiaɗibʉrʉ dewara ẽberãra carebaɗida. Bʉ beɗea ɓʉɗeba quĩchaida cãrẽda jaraida idjaɓa sãwã jaraida ɗewaraʉ ẽberãra so puaramãrẽã.

5. Carebadua. Bʉa ne bia oibʉrʉ poya carebaida. Dadjirãba ẽberãra carebaɗida mãwã quĩrĩã djuburiaɗibʉrʉ dadjirãra ãdjime beɗeaɗida.