Watchtower CARTARA INTERNENE
Watchtower
CARTARA INTERNENE
Emberá dóbida
  • ÃCÕRẼ BEƊEA
  • CARTARA
  • ÃBAA JɄREBADA
  • Hecho 2
  • Ãcõrẽ Beɗea

Neẽ́da video jʉrʉ ɓʉra.

Mĩã djuburia panʉ, biẽ́ ɓesida video unui carea.

Hecho 2:1

Beɗea eɗaare

  • *

    2:1. Pentecoste ewarira naẽna “néu naãrã ewapeɗaɗa carea ɓʉsriɗa obada ewari” abadjiɗaa. Levitico 23:15-21.

Índices

  • Guía de estudio

    Bio jaradia panʉda, pág. 22

Hecho 2:2

Índices

  • Guía de estudio

    Bio jaradia panʉda, pág. 21

Hecho 2:3

Índices

  • Guía de estudio

    Bio jaradia panʉda, pág. 21

Hecho 2:4

Beɗea eɗaare

  • *

    2:4. Hecho 1:8.

Hecho 2:6

Índices

  • Guía de estudio

    Bio jaradia panʉda, págs. 21, 24

Hecho 2:9

Índices

  • Guía de estudio

    Bio jaradia panʉda, págs. 25-26

Hecho 2:10

Índices

  • Guía de estudio

    Bio jaradia panʉda, págs. 25, 27

Hecho 2:17

Índices

  • Guía de estudio

    ¡Ɓʉsriɗa ɓadua dãrã!, beɗea 7

Hecho 2:21

Beɗea eɗaare

  • *

    2:17-21. Joel 2:28-32.

Hecho 2:22

Índices

  • Guía de estudio

    ¡Ɓʉsriɗa ɓadua dãrã!, beɗea 16

Hecho 2:28

Beɗea eɗaare

  • *

    2:28. Wayacusa zocai ɓaida. Griego beɗeaɗe ɓʉ́ ɓʉa “o zocai ɓaiɗebemada.”

  • *

    2:25-28. Salmo 16:8-11.

Hecho 2:30

Beɗea eɗaare

  • *

    2:30. 2 Samuel 7:12-13; Salmo 89:3-4; Salmo 132:11-12.

Hecho 2:31

Beɗea eɗaare

  • *

    2:31. Ãcõrẽba ẽdrʉ edabari diai jaraɗa. Maʉ̃ba jara ɓʉa “Crito.”

Hecho 2:34

Beɗea eɗaare

  • *

    2:34-35. Salmo 110:1; Luca 20:41-44.

Hecho 2:36

Beɗea eɗaare

  • *

    2:36. Ẽdrʉ edabari diai jaraɗa. Maʉ̃ba jara ɓʉa “Crito.”

Índices

  • Guía de estudio

    Bio jaradia panʉda, págs. 25-26

Hecho 2:38

Índices

  • Guía de estudio

    Bio jaradia panʉda, págs. 26-27

Hecho 2:39

Beɗea eɗaare

  • *

    2:39. Ezequiel 36:23-28.

Hecho 2:40

Beɗea eɗaare

  • *

    2:40. Ezequiel 11:19-21; 18:30-32.

Hecho 2:41

Índices

  • Guía de estudio

    Bio jaradia panʉda, págs. 26-27

Hecho 2:42

Beɗea eɗaare

  • *

    2:42. Jesu quĩrãnebaɗi carea cobada siɗa cobadjiɗaa. Griego beɗeaɗe ɓʉ́ ɓʉa “paʉ̃ cõrãcuaɗapeɗa cosiɗaa.” Luca 22:19-20; Hecho 20:7; 1 Corinto 11:23-26.

Hecho 2:44

Índices

  • Guía de estudio

    Bio jaradia panʉda, pág. 27

Hecho 2:45

Índices

  • Guía de estudio

    Bio jaradia panʉda, pág. 27

Dewararã beɗeara

Sudua dji caibeaɗe unui carea dewara texto Ãcõrẽ Beɗeaɗe aɓari quĩrãca ɓʉda.
  • Ãcõrẽ Beɗea
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
  • 44
  • 45
  • 46
  • 47
Ãcõrẽ Beɗea
Hecho 2:1-47

Hecho

Ãcõrẽ Jaure zeɗa

2 Mãwãnacarea Pentecoste ewarida jũẽsia. Maʉ̃ne Jesu ĩjã ɓeara jũma ãbaa dji jʉre duanasiɗaa.* 2 Mãwã panʉne cawaẽ́ne ũrĩsiɗaa bajãnaa jĩgua nũmʉda nãũrã dji cãbãyã puá nũmʉ quĩrãca. Dji deɗe jũmarãba maʉ̃ jĩguara ũrĩsiɗaa. 3 Ara mãwãbʉrʉɗe tʉbʉ uruada unusiɗaa. Maʉ̃ tʉbʉ uruara ãdji boroza maãrĩ uruasia. 4 Maʉ̃ne Ãcõrẽ Jaureɗeba panesiɗaa.* Ara maʉ̃da ãdjia ũrĩnaca beɗeaɗe beɗea duanesia Ãcõrẽ Jaureba beɗeabiɗa quĩrãca.

5 Pentecoste ewari bẽrã judiorã druazabema Ãcõrẽ waya ɓeada Jerusaleʉ̃ne duanasiɗaa. 6 Ãdjirãba maʉ̃ jĩgua ũrĩsiɗaɗe acʉɗe wãsiɗaa. Maʉ̃ne ũrĩsiɗaa Jesu ĩjã ɓeaba ãdji beɗeaza beɗea duanʉda. Maʉ̃ bẽrã cawa crĩchaɗaẽ́ basía. 7 Mãwã panʉne jarasiɗaa:

–¿Za beɗea duanʉra jũma Galileaɗebemaẽ́ca? 8 ¿Sãwã dadjirãba ũrĩ panʉ ara dadji beɗeaza beɗea duanʉda? 9 Dadjirã tãẽna Partiaɗebemada, Mediaɗebemada, Elaʉ̃nebemada, Mesopotamiaɗebemada, Judeaɗebemada, Capadociaɗebemada, Pontoɗebemada, Asiaɗebemada, 10 Prigiaɗebemada, Panpiliaɗebemada, Egiptoɗebemada, Romanebemada, ʉ̃cʉrʉ Libia druaɗe Cirene puru caita ɓeabada siɗa nama duanʉa. Dadji judiorã arada, judiorã crĩcha ẽpẽbada siɗa nama panʉa. 11 Idjaɓa ẽberãrã Cretaɗebemada, Arabiaɗebema siɗa nama panʉa. ¡Jũmarãba ara dadji beɗeaza ũrĩ panʉa Ãcõrẽba waiɓʉa oɗaɗebemada beɗea duanʉda!–

12 Maʉ̃ carea jũmarãba cawa crĩchaɗaẽ́ bẽrã nãwã jara duanesiɗaa:

–Naʉ̃ ẽberãrãra ¿sãwã jãwã beɗea duanʉ?–

13 Maʉ̃ne dewararãba ipiɗa jara duanasiɗaa:

–Ãdjirãra ituaba beu duanʉa.–

Pedroba Jerusaleʉ̃ne jaradiaɗa

14 Maʉ̃ne Pedrora dewara once ume ãbaa ɓʉda piradrʉpeɗa jĩgua jarasia:

–Achirã judiorã, jũma Jerusaleʉ̃ne ɓeabari biɗa naʉ̃da cawaɗadua; mʉ̃a jarabʉrʉra quĩrãcuita ũrĩnadua. 15 Bãrãba crĩcha panʉa dairãra ituaba beu duanʉda baribʉrʉ mãwãẽ́a. ¡Waɗibiɗa diapeɗa nũmʉa! 16 Ãtebʉrʉ dai mãwã beɗea duanʉnebemada Ãcõrẽneba beɗeabari Joelba nãwã ɓʉsia:

17 Ãcõrẽba nãwã jara ɓʉa:

Jĩrũarebema ewariɗe mʉ̃ Jaurera jũma ẽberãrãa diaya.

Mãwã bãrã warrarãra, bãrã caurã siɗa mʉ̃neba beɗeaɗia.

Mʉ̃a cũdrarãa cãĩmocara quĩrãca ne unubiya. Drõãrãa biɗa cãĩmocaraɗe ne unubiya.

18 Maʉ̃ ewariɗe mʉ̃ Jaurera mʉ̃ nezocarãa diaya, wẽrãa, umaquĩrãa biɗa. Maʉ̃ne ãdjirãra mʉ̃neba beɗeaɗia.

19 Maʉ̃ ewariɗe ne ununacada bajãne unubicuaya. Naʉ̃ ẽjũãne biɗa unubicuaya.

Oada, uruada, nãrĩ cowa siɗa unubicuaya.

20 Ãcõrẽba cawa oi ewari jũẽi naẽna ʉ̃mãdaura quiya. Jeɗeco siɗa oa baya. Maʉ̃ ewarira ewari droma baya.

21 Baribʉrʉ dadjirã Boroa quĩrã djuburia iwiɗibʉdara idjia jũma ẽdrʉ edaya.*

22 Achirã Israelɗebema, naʉ̃ beɗeara ũrĩnadua: Ãcõrẽba Jesu Nazareɗebemaa ne ununaca waiɓʉa ɓeada bãrã tãẽna obicuasia. Mãwã o ɓʉɗeba Jesuba cawabisia Ãcõrẽra idji ume ɓʉda. Maʉ̃gʉra bãrãba bio cawa panʉa. 23 Ãcõrẽba naẽna crĩcha ɓaɗa quĩrãca aɓaʉa idu Jesura bãrã jʉwaeɗa ɓʉbisia. Maʉ̃be bãrãba ẽberãrã cadjiruarãa cruɗe cachi beabisiɗaa. Ãcõrẽba cawa ɓasia maʉ̃ra jũma mãwãida. 24 Jesura bia mĩga beusia. Baribʉrʉ Ãcõrẽba idjira ʉ̃rẽbabiɗa bẽrã beuba poya eroɓeẽ́ basía.

25 Dadji boro Daviba idjiɗebemada nãwã jarasia:

Mʉ̃a unusia dadji Borora ewariza mʉ̃ ume ɓʉda.

Idjira mʉ̃ jʉwa araare ɓʉ bẽrã ne wayaa neẽ́ ɓʉa.

26 Maʉ̃ carea mʉ̃ sora ɓʉsriɗa ɓʉa; mʉ̃ra bio ɓʉsriɗa trʉ̃ã ɓʉa.

Mʉ̃a cawa ɓʉa idjia mʉ̃ra ʉ̃rẽbabida. Maʉ̃ bẽrã beuimĩna necai ɓʉa.

27 Mʉ̃a cawa ɓʉa bʉa mʉ̃ra beuɗarã jaure panabadama ameẽ́da.

Mʉ̃, bʉ nezoca jipa ɓʉra idu ɓerawabiẽ́a.

28 Bʉa cawabisia mʉ̃ra wayacusa zocai ɓaida,* idjaɓa bʉra mʉ̃ ume ɓʉ bẽrã mʉ̃ra bio ɓʉsriɗabiya.*

29 Mʉ̃ djabarã judiorã, mʉ̃a ebuɗa jaraya: dadjirã drõãenabema Davi beuɗacarea idjira tʉɓarisiɗaa. Idji tʉɓaripeɗaɗara dadjirãba waɗibiɗa unubadaa. 30 Davira Ãcõrẽneba beɗeabari basía. Maʉ̃ bẽrã cawa ɓasia Ãcõrẽba wãrãneba jarasida idjiɗeba yõbʉrʉda aɓa idji cacuabari israelerã boroda ɓʉida.* 31 Mãwãida cawa ɓaɗa bẽrã idjia beɗeasia Ãcõrẽba ẽdrʉ edabari diai jaraɗa ʉ̃rẽbaiɗebemada.* Idjia jarasia Ãcõrẽba ẽdrʉ edabarira beuɗarã jaure panabadama ameẽ́da idjaɓa idji cacuara ɓerawabiẽ́da.

32 Daviba jaraɗa quĩrãca Ãcõrẽba Jesura beu ɓaɗada ʉ̃rẽbabisia. Jũma dairãba maʉ̃gʉra unusiɗaa. 33 Dadji Zeza Ãcõrẽba idji jʉwa araare Jesura dji dromada ɓʉsia. Maʉ̃be idji Jaure diai jaraɗada Jesua diasia idjiɗerãa diamãrẽã. Jesuba maʉ̃ Jaurera wãrãda dairãa diasia. Bãrãba unu panʉra, ũrĩ panʉ siɗa idji Jaureba mãwã obi ɓʉa.

34 2:34-35 Dadjirãba cawa panʉa Davira ara idjiɗebemada beɗeaẽ́ basida bajãne dji dromada ɓeẽ́ baɗa bẽrã. Ãtebʉrʉ idjia nãwã jarasia:

Dadjirã Boroba mʉ̃ boroa jarasia: mʉ̃ jʉwa araare chũmedua aɓa bʉ ume dji quĩrũrã mʉ̃a bʉ jʉwaeɗa ɓʉbʉrʉɗaa.*

36 Maʉ̃ carea jũma israelerã, wãrãda cawaɗadua: Jesu, bãrãba cruɗe cachibipeɗaɗara Ãcõrẽba jũmarã Boroda ɓʉsia. Idjidrʉ dadji ẽdrʉ edabari diai jaraɗaa.–*

37 Maʉ̃ ũrĩsiɗaɗe jũmarãda bio sopuasiɗaa. Maʉ̃ carea ãdjirãba Pedroa, Jesuba diabueɗa dewararãa biɗa iwiɗisiɗaa:

–Djabarã, ¿ẽdrʉɗi carea cãrẽda oɗida panʉ?–

38 Maʉ̃ne Pedroba panusia:

–Cadjiruada igaraɗapeɗa Ãcõrẽmaa zeɗadua. Jesucrito trʉ̃neba borocueɗadua. Maʉ̃ne bãrãba cadjirua opeɗaɗara Ãcõrẽba quĩrãdoapeɗa idji Jaureda bãrãa diaya. 39 Ãcõrẽba idji Jaure diai jaraɗara bãrã itea ɓʉa, bãrã warrarã itea ɓʉa, ẽberãrã tʉmʉ ɓeabadarã itea biɗa ɓʉa.* Jũma dadji Boro Ãcõrẽba trʉ̃ ɓʉ ẽberãrã itea ɓʉa.–

40 Pedrora dãrã beɗeasia ãdjirãba ĩjãnamãrẽã. Nãwã jara ɓasia:

–¡Ãcõrẽba iɗibema ẽberã cadjiruarã cawa oiɗebemada ẽdrʉɗadua!–*

41 Zocãrã ẽberãrãba idji beɗeara ĩjãnapeɗa borocuesiɗaa. Maʉ̃ ewariɗe Jesu ĩjãpeɗaɗada mil ũbea panasiɗaca ɓʉa.

42 Jesuba diabueɗarãba jaradia panʉra ãdjirãba bio ẽpẽbadjiɗaa. Ãbaa bia duanabadjiɗaa. Jesu quĩrãnebaɗi carea cobada siɗa cobadjiɗaa.* Idjaɓa Ãcõrẽa iwiɗi panabadjiɗaa.

Jesu ĩjã ɓeaba o panananebema

43 Jesuba diabueɗarãba ne ununacada zocãrã obadjiɗaa. Maʉ̃ carea jũmarãba Ãcõrẽra bio wayasiɗaa. 44 2:44-45 Jũma Jesu ĩjã ɓeara ãbaa bia duanabadjiɗaa. Ʉ̃cʉrʉba ãdji ẽjũãda, nebia siɗa nẽdobueɗapeɗa djaba aɓa ne neẽ́ ɓebʉrʉɗe paratara diabadjiɗaa. Mãwã ãdjia eroɓeaba dji carebabadjiɗaa. 46 Ewariza Ãcõrẽ de droma dajadaare ãbaa dji jʉrebadjiɗaa idjaɓa djabarã deza sobiaɗeba ɓʉsriɗa ãbaa ne cobadjiɗaa. 47 Ãdjirãba Ãcõrẽa bia beɗeabadjiɗaa. Idjaɓa dewararãba ãdjirãra bia unubadjiɗaa. Maʉ̃ne dadji Boroba ewariza ẽberãrãra ẽdrʉ edabadjia. Mãwã Ãcõrẽneba ãdjirãra yõ wãsiɗaa.

Publicaciones en Emberá Northern (2017-2025)
Ẽdrʉi
Catʉ eɗa wãi
  • Emberá dóbida
  • Jeɗecai
  • Quĩrĩã ɓʉ
  • Copyright © 2025 Watch Tower Bible and Tract Society of Pennsylvania
  • Beɗea oi carea
  • Carta djibari bara ɓʉ
  • Marcara djibari bara ɓʉ
  • JW.ORG
  • Catʉ eɗa wãi
Jeɗecai