QUEDUA NAÃRÃBEMA
Sopua ɓʉɗe, ¿beu quĩrĩãbarida?
Dianaraa awẽrã idjira bio ɓʉsriɗa ɓʉda jĩgaʉba acʉɗibʉrʉ. Baribʉrʉ idjira bio sopua ɓʉda idji soɗera. Idjia crĩcha ɓʉda idji beuɗa careara naʉ̃ ẽjũãnera bio biara duananida.
“Ẽberã zocãrãẽ́ ãdjiɗuba beusiɗada. Dewaraʉra ne osiɗada beui carea, baribʉrʉ beuẽ́ basida. Mãwãmĩna, ẽberãrãba zocãrã crĩchabadada ãdjiɗʉba beuɗira” (THE GAZETTE, MONTREAL, CANADÁ).
Dianaba crĩchasida idjiɗuba beu quĩrĩãẽ́da. Mãwãmĩna idjia quĩrĩãẽ́ ɓʉda zocai ɓaira. Maʉ cãyãbara idjia jara ɓʉ: “Ɓae wãpeɗa, beuira beɗea neẽ́da”. Idjaɓa jara ɓʉ: “Beuira cadjiruaẽ́da”.
Zocãrã ẽberãrã jãwã crĩchabadada Diana quĩrãca. Ẽberãrãra beuɗa quĩrĩã panʉmĩna waa djuburia panana quĩrĩãnaẽ́ panʉda. Ãdjirãba crĩchabadada beuira jãʉ̃ra biara ɓʉda, baribʉrʉ̃ zocai panana quĩrĩã panʉda.
¿Cãrẽã beu ama ɓʉda? Cawaɗida beɗea ũbea.
a Awara ɓʉsiɗada dji trʉ̃ra