CAWA PANɄDA PURU ẼBERÃƊE IDJAƁA ÃDJI CULTURA ẼBERÃNEDA
Acʉɗe wãna puruɗe Camboya
JÃMA ɗera zocãrã jĩrũ ʉ̃tʉ ɓeada. Bio ne nẽdobadada, idjaɓa baraada zocãrã motoda. Jũma jãʉ̃ra jãwã ɓʉda Camboya puru.
Ẽberãrã Camboyaɗebemarã bio so ɓʉsriɗa ɓeada. Maʉ̃ bʉrʉ ãdjirãra ãbaa trajabadada idjaɓa jãmabema ẽberãba jarabadada: djabawẽrãba, djaba, apipi, nana djora, tata drõã; jãʉ̃da jãwã jarabadada ãdjia ununacamĩna.
Ʉ̃cʉrʉ ẽberãrã Camboyaɗebema ãdjirãra panabadada de jĩrũ ʉ̃tʉ ɓeaɗe. Idjaɓa ɓʉda: Escuelas, hospitales, mercados, idjaɓa gasolina ʉ̃tʉ ɓaɗamae.
Nejõ dji trʉ̃ jarabadada Dragon, jãʉ̃ nejõra bio jõbadada Camboya puruɗe.
Ẽberãrã Camboyaɗebemarã ne cobadada arroda idjaɓa ɓedada. Ne quĩrãtanoa cobadada dimisi.
Dos mil poa naẽna nẽdobuebadarãba Indiaɗebemarã China puruɗaa wãsiɗaɗe, Camboya puruɗe pʉrrʉa wãsiɗada wada, metales, idjaɓa canela, clavo de olor siɗa. Jãʉ̃gʉda cambiabadjiɗada, dewara cosame. Zocãrã ẽberãrãba Camboyaɗebemada religioʉ̃ hinduismo, budismo biɗa eropanasiɗada, India puruɗebemada, China puruɗebemada jãma jãʉ̃ra jaraɗa bẽrã.
Naʉ̃ ewariɗera Beɗea ɓea Jeowaɗebemarãba, beɗea bia jaradia panʉda Camboyaɗebema. Zocãrã ẽberãrãba cawa panʉda cartaɗeba ¿Qué enseña realmente la Biblia? Jãʉ̃ carta busiɗada 250 beɗeara, idjaɓa Camboya beɗeaɗe ɓʉsiɗada.
Zocãrã ẽberãrãba Camboyaɗebema Ãcõrẽ Beɗea cawa panʉda Beɗea ɓeara Jeowaɗebemarãme. Ãdjirãba cawa panʉda ẽberãra beuɗa carea sãwã wãnida idjaɓa Ãcõrẽba cãrẽda oida ẽjũãne.
Dji carta ¿Que enseña realmente la Biblia?, Camboyaɗebema beɗea bʉsiɗada (acʉdua dji foto)