Yésu a top Saulo nge ki Saul

Saulo a mbe moan romano nge ki romain, a nga byale aTarso nge ki Tarse. A mbe moan fariseo nge ki pharisien, a mbe é tugha yem Atsing Bejudíos nge ki Bejuif. Vedaa, a mbe é fem bekristen. Akal té éde a mbe é ke a biñ bo menda meba, a bo befam nge ki binenga, naa a ke be wua mimbokh. Ye naa, a mbe fe vèè ya daghe ane nsama bôr ô nga wokh abé, be nga kikh naa ba wiñ Esteban nge ki Étienne, n’yeghe Yésu ya mekoa.

Ve, Saulo éé dzi ki sughu naa a biñ bekristen, fave a Jérusalem. A nga dzaa fara n’nen naa, a lôm ñe a kisoan ya Damasco nge ki Damas naa, a ke fe a biñ bekristen wéñ. Atoo naa a mbe é yir kisoan bébéñ, a nga tem-tem, éyèè da fèñ é nga mane ñe yabane mifeng, éde a nga ku ôsi. A nga wokh king dé dzô naa : “Saulo, amu dzé wa tsible ma ?” Saulo a nga sili naa : “Ô ne za ?” King é nga yalane naa : “Me ne Yésu. Keng a Damasco, éde wèñ, wa ye yem é dzam wa yiène bo.” Tam té, Saulo a nga ku ndzim, ye naa, be nga k’a ñe a kisoan be bele ñe énam.

Kristen ézing a mbe sôsôe, a too éyôla naa Ananias, a mbe a Damasco. Yésu a nga dzô ñe n’yenane été naa : “Keng ésala ba luè naa Sôsôe, é nda Judas, ye dzeng Saulo.” Ananias a nga yalane naa : “A Nti, me va wokh abuiñ mam nfa môr té ! A wua beyeghe mimbokh !” Ve, Yésu a nga dzô naa : “Keng ñe yen. Me va top Saulo naa a ke kanghle meyong mese mbemba fuèñ.”

Ane Ananias a nga yen Saulo ye dzô ñe naa : “A moadzang Saulo, Yésu a va lôm me naa me kulu wô mis.” Éyong té bièñ, Saulo a nga bera yen. A nga sum yeghe a yem Yésu ye bo n’yeghe wèñ. Ane a nga duban ye sum kanghle besynagogue babe bekristen bevoo. Tame simane : Bejuif ba wokh Saulo éé kobe é mam Yésu ! Be nga dzô naa : “Ye se é môr ñi éñe a mbe éé dzirane beyeghe Yésu ?”

Ébe mimbu milal, Saul a nga kanghle bôr be ya Damasco. Bejuif be nga feme ñe be nga dzeng naa be wiñ ñe. Ve, niène bobeñang be nga wokh ésua té, ane be nga vole Saulo naa a tup. Be nga furu ñe nkuéñ été, ye sighle ñe mfîn nda.

Niène Saulo a nga siène a Jérusalem, a nga sum dzeng bobeñang. Ve, be nga vane ñe ko wong. Éde n’yeghe ézing a too éyôla naa Barnabé a mbe mbemba n’nem a nga kee ñe ébe mintôô. A nga ve mengu’u naa beyeghe be yebe naa, é ne bebela naa Saulo a tsenang. Ya ayokh, Saulo a nga sum kanghle mbemba fuèñ ya ékôan ya Jérusalem. A mvus vèè, be nga sum ñe luè naa Pablo nge ki Paul.