AYEGHLE 47
Ye ô ntoo nkoghane naa ô ñong baptem nge ki bautismo ?
Ayeghe Bible duè été, ô va yeghe abuiñ mam ma daghe mesiman Jehôva. Ya fe naa, ô va tsen abuiñ mam nfa ye naa ô dzale é mam ô va yeghe. Ve, é ne bo naa dzam ézing é ne wô biñ naa ô taa ve Jehôva éning duè ya ñong baptem nge ki bautismo. Ayeghle di été, wa ye yen é mam me ne ve naa ô taa ñong bautismo, ya aval ô ne dang mam meté.
1. Abim mam mevé wa yiène yem a Bible été kaa naa ô ñong baptem nge ki bautismo ?
Kaa naa ô ñong bautismo, wa yiène bele « ña n’yeman nfa bebela. » (1 Timothée 2:4) Dzam té daa yili ki naa wa yiène bele biyalane ébe minsili mise mi ne a Bible été, kaa naa ô ñong bautismo. Amben bekristen be ñong-hang bautismo ayap, ba yiène tsini naa ba yeghe. (Becolossien 1:9, 10) Ve, wa yiène yem meyeghle me ne tsin a Bible été. Nge wéé bele ki n’yemane té, bemvene be ye ékôan ba ye wô vole naa ô bele wo.
2. Bitèñ bivé wa yiène dang kaa naa ô ñong baptem nge ki bautismo ?
Bible a dzô naa, kaa naa ô ñong bautismo, wa yiène « dzôban [. . .] ya konghlane n’nem. » (A lang Bisè mintôl 3:19.) Da yili naa wa yiène bira dzôban akal minsem ô nga bo, ya dzaa Jehôva naa a dzame wa. Wa yiène mane dzogho mbia abo dulu ésese ô mbaa ô bele, ya ning aval da ve Nzame n’nem mbeng. Wa yiène fe bo é mam ma boban ékôan été ane, a ke bisulan, ya bo minkanghle ane nkarfuèñ aa be ki ñong bautismo.
3. Amu dzé waa yiène ki likh naa wong ô ve wô naa ô bulane ô mvus ?
Abuiñ bôt ba ko-wong naa baa ye ki dzale é ngiagh be nga bo Jehôva. É ne bebela, biyong bizing bia ye bo bikop, amben befam ya é binengha be ne sôsôe ba tu a Bible été, ba be nga bo fe bikop. Ve, Jehôva aa yane ki naa be-bo biseñ bèñ be bo kaa bikop. (A lang Bya 103:13, 14.) A ye tobe mevakh éyong a ye yen naa, bia ve mengu’u naa bi bo é dzam da dang mbeng ! A ye wô vole. Jehôva a kiagh fe bia naa, « dzam ézing daa ye ki bia kane ya édzing a bele akal dèè. »—A lang Beromain 8:38, 39.
A TUGHA FAS
Yeneghe aval ô ne dang é mam me ne ve naa ô taa ñong baptem nge ki bautismo, wéé tugha yem Jehôva ye yebe avole dèñ.
4. Tugha yem Jehôva
Aval avé ô ne tugha yem Jehôva kaa naa ô ñong bautismo ? Wa yiène ñe tugha yem aval da ve naa ô dzing ñe ya kômô ñe ve n’nem mbeng. Daghane ÉNGENGENG naa mi yen aval beyeghe Bible be ye si se ngura be nga bo do. Éyong té mia lèè minlang mia daghe nsili wa zu wi :
Aval ane éngengeng di da lere do, dzé é nga vole beyeghe Bible b’ézing naa be tobe nkoghane naa be ñong bautismo ?
A lang Beromain 12:2, éyong té mia lèè minlang mia daghe minsili mia zu mi :
Ye ô bele bisô ébe é mam Bible a yeghle, nge ki naa ye wa tem naa Bengaa Jehôva ba yeghle bebela ?
Nge éñe a ne naa, za dzam ô ne bo ?
5. Ô ne dang é mam mese me ne ve naa ô taa ñong baptem nge ki bautismo
Éyong bia ñong nkighane naa bia ve Jehôva éning dèè ya ñong bautismo, bia besese bia tubane minzukh. Naa ô yen éfônan, daghane ÉNGENGENG, éyong té mia lèè minlang mia daghe minsili mia zu mi :
ÉNGENGENG : El amor por Jehová supera los obstáculos nge ki L’amour pour Jéhovah surmonte tous les obstacles (5:22)
Éngengeng di été, za mam kal dzèè Narangerel a nga dang, naa a sèhane Jehôva ?
Aval avé édzing a mbe a bele akal Jehôva é nga vole ñe naa a dang mam meté ?
A lang Minkana 29:25 ya 2 Timothée 1:7, éyong té mia lèè minlang mia daghe nsili wa zu wi :
Dzé da ve bia ayokh nfa ye naa bi dang minzukh mité ?
6. Beleghe mebun naa Jehôva a ye wô vole
Jehôva a ye wô vole naa ô ve ñe n’nem mbeng. Daghane ÉNGENGENG, éyong té mia lèè minlang mia daghe minsili mia zu mi :
Éngengeng di été, dzé é nga ve naa n’yeghe Bible a bo kaa dzigha ñong bautismo ?
Dzé é nga vole ñe naa a wônô mebun a mbe a bele ébe Jehôva ?
A lang Esaïe 41:10, 13, éyong té mia lèè minlang mia daghe nsili wa zu wi :
Amu dzé ô ne bele mebun naa, ô ne dzale é ngiagh wa ye bo naa wa ve Nzame éning duè ?
7. Lereghe naa wa bira yem mbeng akal édzing Jehôva a lere wa
Nté sese wa simane aval Jehôva a bira wô dzing, da ye ve naa ô bira ñe ve akiba, ya tobe nkoghane naa wa kômô sèhane ñe mbèmbèè. A lang Bya 40:5, éyong té mia lèè minlang mia daghe nsili wa zu wi :
Biborane Jehôva bivé wa dang bira dzing ?
Nkulu medzô Jérémie nge ki Jeremías a mbe é dzing Jehôva ya nkobe wèñ, a mbe é bira dzing ntam a bele naa a baghe éyôla Jehôva. A nga dzô naa : « Bifiè buè bi nga bo ma mesan ya mevakh n’nem wom été, amu naa me baghe éyôla duè, a Jehôva Nzame. » (Jérémie 15:16) Yalane minsili mi :
Amu dzé é ne môra ntam naa wa bo moan Bengaa Jehôva ?
Ye wa kômô ñong bautismo naa ô bo moan Bengaa Jehôva ?
Ye dzam ézing da biñ wa naa ô bo do ?
Za dzam wa tem naa ô ne bo naa ô ñong bautismo ?
NGE MÔR ÉZING A DZÔ WÔ NAA : « Maa tem ki naa me ne dzale ayem da daghe a ñong bautismo. »
Ye wa wôrane fe aval dèè ?
AKIGHE BES
Ya avole Jehôva, ô ne dang é mam mesese me ne ve naa ô taa ñong bautismo.
Ôbaghle
Za mam wa yiène yem nfa Bible naa ô ñong bautismo ?
Za mam wa yiène tsen kaa naa ô ñong bautismo ?
Amu dzé waa yiène ki likh naa wong ô biñ wa naa ô taa ñong bautismo ?
Ô NE FE KE DAGHE
Yeneghe é dzam da yiène bo tsin ye nkighane wiè naa wa ñong bautismo.
« ¿Está usted listo para bautizarse? » nge ki « Es-tu prêt pour le baptême ? » (La Atalaya, marzo de 2020 ; La Tour de Garde, mars 2020)
Yeneghe é dzam é ne wô vole naa ô dang minzukh mi ne ve naa ô taa dzigha ñong bautismo.
« ¿Qué me impide bautizarme? » nge ki « Qu’est-ce qui m’empêche de me faire baptiser ? » (La Atalaya, marzo de 2019 ; La Tour de Garde, mars 2019)
Yeneghe é dzam é nga vole môt naa a dang ndzukh a mbe a bele, déé biñ ñe naa a bo kaa ñong bautismo.
Ôsusua, môt ézing a too éyôla naa Ataa, a mbe é ko-wong naa a ñong bautismo. Yeneghe é dzam é nga vole ñe naa a dang wong té.
No sé si me lo merezco nge ki Est-ce que je suis vraiment digne de tout cela ? (7:21)