iMatai ni Samuela
2 E qai masulaka o Ana:
E dalaga vakalevu na gusuqu vei ira na kequ meca,
Niu marautaka vakalevu na nomuni cakacaka ni veivakabulai.
2 E sega ni dua e savasava me vakataki Jiova,
E sega tale ni dua o kemuni ga,+
E sega ni dua na uluvatu me vakataki koya na neimami Kalou.+
3 Moni kua ni vosa viavialevu tiko,
Me kua ni lako mai gusumuni na vosa viavialevu,
Ni Kalou kilaka o Jiova,+
E lewa vakadodonu na ka e caka.
4 E musulaki na nodra dakaititi na tagane qaqa,
Ia era vakaukauataki o ira na bale.+
5 O ira na mamau era vaqara cakacaka me rawa na kedra madrai,
Ia o ira na viakana tu era na mamau.+
6 E veivakamatei o Jiova, e veitaqomaki,*
7 O Jiova e veivakadravudravuataki, e veivakavutuniyautaki,+
E veivakalolovirataki, e veivakacerecerei.+
8 E vueta na tamata vakaloloma mai na kuvuniqele,
E laveta cake na dravudravua mai na ibinibini dravusa,*+
E vakadaberi ira kei ira na turaga,
E solia vei ira na idabedabe lagilagi.
Ni nei Jiova na duru ni vuravura,+
Qai biuta kina na vanua vuavuaivinaka.
9 E taqomaka na yavadra na yalodina vua,+
Ia era na vagalui na tamata ca ena butobuto,+
Ni sega ni qaqa na tamata ena nona kaukaua ga.+
O Jiova ena lewa na iyalayala kei vuravura,+
Ena solia na lewa vua na nona tui+
Qai vakacerecerea na ileu ni nona lumuti.”+
11 Sa qai lako o Elikana ina nona vale e Rama, ia e qaravi Jiova tiko ga na gonetagane+ ena mata i Ilai na bete.
12 O rau na luvei Ilai erau tagane ivakarau ca,+ rau sega ni dokai Jiova. 13 Qo na ka erau cakava ena ka e dodonu mera solia na lewenivanua vei ira na bete:+ Ena gauna kece e lai vakacaboisoro kina e dua, ena lako yani na dauveiqaravi ni bete ni saqa tiko na lewe ni manumanu, e taura tiko e dua na icula mataitolu, 14 ena dodoka yani ena loma ni beseni, ena kuro e rua na ligana, ena kuro levu, se na kuro e dua na ligana. Na ka ga e cula mai ena kauta na bete me kena. Qori na ka rau dau cakava e Sailo vei ira kece na Isireli era lako kina. 15 Ni bera tale ga ni vakama na uro o koya e cabora na isoro,+ ena lako yani e dua na dauveiqaravi ni bete me tukuna vua: “Solia vua na bete na lewe ni manumanu me tavuna. Ena sega ni taura vei iko na lewe ni manumanu saqa, na lewe ni manumanu droka ga.” 16 Ni tukuna mai o koya: “Mera vakama mada na uro+ qai kauta na ka ga o garova,” ena qai kaya yani: “Sega, solia ga mai qo, ke sega au na kauta vakaukaua!” 17 Era valavala ca vakalevu na dauveiqaravi ena mata i Jiova,+ nira sega ni doka na tamata na isoro e cabori vei Jiova.
18 Ia e veiqaravi tiko+ ena mata i Jiova o Samuela ni se gone, e dara* tiko na efoti lineni.+ 19 E cula tale ga o tinana e dua na nona isulu balavu tabaleka lailai qai kauta cake vua e veiyabaki ni tomani watina me lai cabora na isoro e cabo e veiyabaki.+ 20 E vosa vakalougatataki Elikana kei na watina o Ilai, e kaya: “Me solia mada ga vei iko o Jiova e dua na gone vua na watimu qo, me sosomitaki koya e soli vei Jiova.”+ Erau lesu tale i vale. 21 E nanumi Ana o Jiova mani kunekune,+ e vakasucuma e tolu tale na luvena tagane kei na rua na goneyalewa. E tubu tiko ga na gonetagane o Samuela ena mata i Jiova.+
22 Sa qase sara o Ilai, ia e rogoca na ka kece erau dau cakava na luvena tagane+ vei ira kece na Isireli, ni rau dau moceri ira tale ga na yalewa era veiqaravi tiko ena katuba ni valelaca ni veitavaki.+ 23 E dau tukuna vei rau: “Na cava drau vakayacora tiko ga kina na ka qo? Ni ca na ka au rogoca me baleti kemudrau vei ira kece na lewenivanua. 24 Sa rauta kemudrau na luvequ, ni sega ni vinaka na itukutuku au rogoca era veikayaka tiko na tamata i Jiova. 25 Ke valavala ca e dua na tamata vua e dua tale, ena vakamamasu e dua tale vei Jiova ena vukuna,* ia ke dua na tamata e valavala ca vei Jiova,+ o cei ena masulaki koya?” Ia erau sega ni via rogoca na vosa i tamadrau, ni nakita o Jiova me vakamatei rau.+ 26 E tubu tiko ga na gonetagane o Samuela, e taleitaki koya o Jiova kei ira na lewenivanua.+
27 E lako vei Ilai e dua na tamata ni Kalou, e kaya vua: “Qo na ka e tukuna o Jiova: ‘Au a vakatakilai au ena vuvale i tamamu nira bobula tu ena vuvale i Fero mai Ijipita.+ 28 Au digitaki koya mai na yavusa taucoko e Isireli+ me noqu bete, me lako cake ina noqu icabocabonisoro+ me vakacaboisoro, me cabora na ka boivinaka, me dara tale ga na efoti e mataqu, au mani solia ina vuvale ni nomu qase na nodra isoro kama kece na Isireli.*+ 29 Na cava dou beca* kina na ka e cabori vei au kei na isoro au vakarota me cabori ena noqu itikotiko?+ Na cava o dokai rau tiko ga kina vakalevu na luvemu qai vakalailai o yau, ni dou sa levulevu ena iwase vinaka duadua ni nodra isoro kece na noqu tamata na Isireli?+
30 “‘Qo na vuna e kaya kina o Jiova na Kalou ni Isireli: “Au a tukuna dina nira na vakaitavi tiko ga e mataqu na nomu vuvale kei na nodra vuvale na nomu qase.”+ Ia qo e tukuna o Jiova: “Me yawa vei au qo, niu na rokovi ira era rokovi au,+ ia era na beci o ira na beci au.” 31 Raica! Ena yaco mai na gauna au na kauta laivi kina na nomu kaukaua* kei na kaukaua ni vuvale i tamamu, me kua ni dua ena nomu vuvale me bula tiko me yacova ni qase.+ 32 Ni caka tiko na ka vinaka vei ira na Isireli o na raica e dua na meca ena noqu itikotiko,+ ena sega sara ni kune e dua na qase ena nomu vuvale. 33 Na nomu tamata au sega ni muduka nona veiqaravi ena noqu icabocabonisoro ena vakavuna nomu mataboko, ena vakararawataki* iko tale ga, ia e levu sara ena nomu vuvale era na mate ena iseleiwau ni tamata.+ 34 Na ka e yacovi rau na luvemu tagane, o Ofinai kei Finiasi ena ivakatakilakila vei iko: Rau na mate ruarua ena dua ga na siga.+ 35 Au na vakatura ga e dua na noqu bete yalodina.+ Ena vakayacora na ka e salavata kei na gagadre ni lomaqu, au na tara e dua na nona vale tudei, ena veiqaravi tiko ga e mata i koya na noqu lumuti. 36 O koya e vo tiko ena nomu vuvale ena lako mai me cuva vua, me kere cakacaka me rawa kina na nona ilavo kei na dua na ibuli madrai, ena kaya: “Au kerea mo lesia vei au e dua na itavi vakabete meu kania e dua na tiki ni madrai.”’”+