Same

145 Au na vakacerecerei kemuni, noqu Kalou na Tui,+

Au na vakacaucautaka na yacamuni me tawamudu, io me tawamudu.+

 2 Au na vakacaucautaki kemuni ena siga taucoko,+

Au na vakacaucautaka na yacamuni me tawamudu, io me tawamudu.+

 3 E cecere o Jiova qai ganiti koya duadua na veivakacaucautaki,+

Na nona cecere e sega ni tukuni rawa.*+

 4 Ena vakacaucautaka na nomuni cakacaka e dua na itabatamata ina dua tale na itabatamata,

Era na tukuna yani na nomuni cakacaka kaukaua.+

 5 Era na tukuna na totoka ni kemuni lagilagi+

Era na vakasamataka vakatitobu na nomuni cakacaka veivakurabuitaki kece.

 6 Era na tukuna na nomuni cakacaka* vakatubuqoroqoro,

Au na kacivaka tale ga na nomuni cecere.

 7 Era na vuki tukuna nira nanuma na levu ni nomuni yalovinaka,+

Era na qai kaila ena marau ena vuku ni nomuni yalododonu.+

 8 O Jiova e dauveinanumi* qai yalololoma,+

E berabera ni cudru, e levu qai dei na nona loloma.+

 9 Sa vinaka o Jiova vei ira kece ga,+

Qai laurai na nona yalololoma ena nona cakacaka kece.

10 Na nomuni cakacaka kece ena vakalagilagi kemuni, i Jiova,+

Era na qai vakacaucautaki kemuni na nomuni yalodina.+

11 Era na kacivaka na lagilagi ni nomuni itutu vakatui+

Era na tukuna tale ga na nomuni qaqa,+

ל [Lameta]

12 Me vakatakilai vei ira na tamata na veika lelevu oni cakava+

Kei na totoka ni nomuni itutu vakatui lagilagi.+

13 Na nomuni itutu vakatui e tawamudu,

Kei na nomuni lewa ena tu ga ena itabatamata kece.+

14 O Jiova e tokoni ira kece era bale+

Qai vakaduri ira kece era lolou tu.+

15 Na mata kece e rai tu vei kemuni ena vakanuinui,

Oni solia vei ira na kedra kakana ena kena gauna.+

16 Oni dedeka na ligamuni

Qai vakaceguya na veika era gadreva na kabula kece.+

17 E yalododonu o Jiova ena nona ivalavala kece ga+

Qai yalodina ena ka kece e cakava.+

18 E voleka o Jiova vei ira kece na kacivi koya,+

Vei ira kece na kacivi koya ena yalodina.+

19 E vakamamautaki ira na rerevaki koya ena ka era gadreva,+

E rogoca o koya na nodra tagi ni kere veivuke qai vakabulai ira.+

20 E dau taqomaki ira kece na lomani koya o Jiova,+

Ia ena vakawabokotaki ira kece na daucaka ca.+

21 Ena kacivaka na gusuqu na veivakacaucautaki i Jiova,+

Mera vakacaucautaka na yacana tabu na kabula* kece me tawamudu, io me tawamudu.+