Duavata e Vuravura​—Rawa se Sega?

VAKACAVA na noda vuravura, e sa yacova tiko yani na ilago ni bula veiyaloni se sa voleka sara tiko ni rusa? Ena rawa ni kunei e so na yavu me veiletitaki kina e dua vei rau na ile oqori.

Ena dua na yasana, era nuidei e so na iliuliu kei vuravura ni na rawati na bula veiyaloni​—de rairai vakavuna nodra leqataka na ka vakadomobula ena yaco ke sega na bula veiyaloni. Ena yasana kadua, levu era nuiqawaqawataka na taro: Na matanitu cava soti era bulia na iyaragi rerevaki ni veivakamatei? Era na via vakayagataka beka? Ke vaka kina, na cava ena yaco?

E vakaraitaka na veika a yaco ena veigauna sa oti, ni veisisivi kei na veivakaduiduitaki e vakalatilati ena rawati ni duavata, qai cuqena tale ga o lotu na veileti, sega ni saga me vakaotia. “Na ka e vakavu veisei ena vakavurea na veicati, na lotu gona e dua na vu levu ni duiyaloyalo e yaco tu nikua,” a vola na dauvolaitukutuku o James A. Haught. “Se mani vakacava na kena vakabauti ni ‘vakavinakataki’ ira na tamata na lotu, e laurai ga ni vakavuna nodra cakava na ivalavala vakadomobula.” E duavata ena rai oqori na dauvola ivola o Steven Weinberg. A vola: “Na lotu ga e rawa ni vakavuna na nodra caka ca na tamata vinaka.”

Eda na rawa beka ni duavata na lewe i vuravura? Io! Ena sega ga ni rawata oqori na tamata se lotu e tauyavutaka na tamata.

[Tikina bibi ena tabana e 3]

Na vuravura e vaka beka na gasaukuro viritaki e vakarau kacabote?