ULUTAGA ME VULICI

Eda na vulica na vuna meda vakabauta kina ni a vakaturi dina o Jisu qai bula tiko nikua. E vakamacalataki tale ga ena ulutaga qo ni yaga vei keda na vakaturi i Jisu ina bula tawamate i lomalagi, e yaga tale ga ena noda itavi meda vunautaka na itukutuku vinaka ni Matanitu ni Kalou.

E yavutaki na rua na ulutaga qo ena ivola na Vunau ni Soro, e vakaraitaka na vuna e vinakata kina o Jiova meda savasava nona tamata kei na sala eda na vakaraitaka kina na itovo qo. Eda na veivosakitaka tale ga na sala me savasava tiko ga kina noda ivalavala kece.

Eso na vuli iVolatabu e dredre mera vakabauta ni dua ga na isoqosoqo i Jiova e vuravura. Era nanuma se mani lotu cava era lewena, e bibi ga mera yalodina me marau kina na Kalou. E tukuni ena ulutaga ruarua qo ni bibi mera kilai ira na tamata ni Kalou ra qai qaravi Jiova vata.