iTuvatuva ni Soqoni ni Cakacaka
Macawa me Tekivu Ena 13 Noveba
Sere 4
10 min: Veika me kacivaki kei na kena e digitaki mai na Noda Cakacaka Vakaitalatala ni Matanitu.
13 min: Kato ni Taro. Vosa e dua na qase.
22 min: “Lesuvi Ira na Taleitaka na iTukutuku ni Matanitu Naba 36.” Veitarotarogi ena parakaravu 1-5. Vakamacalataka na ituvatuva ni ivavakoso me tarai kina na yalava e se bera ni tarai. Veivosakitaka na iwalewale ni caka veisikovi lesu ena parakaravu 7 kei na 8, qai vakatasuasuataki yadua. Vakabibitaka na bibi ni noda dau lesuvi ira na tataleitaki da qai saga me tekivu na vuli iVolatabu. Tinia ni veivosakitaki na parakaravu 9 kei na tikinivolatabu era volai tu kina.
Sere 63 kei na masu.
Macawa me Tekivu Ena 20 Noveba
Sere 111
10 min: Veika me kacivaki. Ripote ni akaude.
15 min: So na Vakasavuirogorogo Ena Kena Veisoliyaki na iTukutuku ni Matanitu Naba 36. Tukuna na veika e rawa ena kena veisoliyaki ena yalava ni cakacaka. E dua beka ena ivavakoso e se qai vakaitavi vakadua ena cakacaka vakavunau? Vakamacalataka na nodra vosa ni veivakacaucautaki na itaukeinivale. Era se qai tekivu caka vuli iVolatabu beka e so na dautukutuku? Ke vaka kina, mera vakamacalataka mada, se mera vakatasuasuataka na sala era a vakayacora kina. Vakadreti ira kece mera lesuvi na tataleitaki.
20 min: “Vunau Tiko Ga!” Me dua na vosa qai vakatarogi e dua na dautukutuku. E so sa dede sara nodra lewena na isoqosoqo i Jiova, ia era se yalodina tiko ga ena cakacaka vakavunau ena nodra bula kece. Ni donu tu ga nodra rai, era reki nira cakava tiko ga na cakacaka oqo. (Raica na ivola na Kila, taqana 179, parakaravu 20, kei na Watchtower, 1 Me, 1992, taqana 21-2, parakaravu 14-15.) Sureta e dua na dautukutuku sa dede na nona cakacaka tiko vakavunau me vakamacalataka se cava na vuna e yalodina tiko ga kina ena cakacaka oqo.
Sere 141 kei na masu.
Macawa me Tekivu Ena 27 Noveba
Sere 153
10 min: Veika me kacivaki. Vakadreti ira na dautukutuku mera solia na nodra ivolatukutuku ni cakacaka ni Noveba. Na ivola na Kila ena soli tiko ena Tiseba. Ke balavu na gauna, vakamacalataka na itavi levu era cakava tiko na iVakadinadina i Jiova ena kena tabaki na iVolatabu ena levu na vosa.—Raica Na Vale ni Vakatawa, 15 Okotova, 1997, taqana 11-12.
20 min: Vakayagataka Vinaka na iVola na Reasoning. Veitarotarogi ena taqana 7-8. Vakamacalataka se vukei keda vakacava na ivola oqo me laulau kina na noda cakacaka vakaitalatala. E dina ni sega ni tabaki ena vosa vakaviti, vakamacalataka ga na sala e rawa ni yaga kina vei keda na kena vakavalagi. (E dua na kena iwasewase sa vakadewataki, e lewenivola lailai Na Sala me Tekivu Qai Tomani Kina na Veivosaki Ena iVolatabu.) Vakaraitaka na sala meda kunea kina na itukutuku yaga me saumi kina e dua na taro. Uqeti ira kece mera vakayagataka na ivola oqo, mera tawana tu ena nodra kato ni vunau, ra qai vakayagataka wasoma.
15 min: Au na Yalana Vakacava na Noqu Dau Sara Retioyaloyalo? Me vosa e dua na qase vua e dua na cauravou gone e dau vakayagataka vakalevu na nona gauna ena loma ni dua na siga ena sara retioyaloyalo. Taumada, me tukuna o cauravou ni oqo e sega ni dua na kena ca. Ni dua ga na sala ni nona vakacegu, ena sega ni vakaleqai kina. Me rau dikeva vata kei na qase na veitikina bibi ena wase 36 ni ivola na Young People Ask. Me vakamacalataka na qase vua na cauravou ni sara retioyaloyalo vakasivia e kania e levu na gauna yaga eda rawa ni vuli vakataki keda kina, lako ena cakacaka vakaitalatala, se veivuke ena cakacaka e gadrevi me caka ena ivavakoso. Me vakavinavinakataka na ivakasala na cauravou gone oqo, qai kaya ni sa na vakalailaitaka na nona dau sara retioyaloyalo, ni oqo ena yaga ena nona bula vakayalo.
Sere 175 kei na masu.
Macawa me Tekivu Ena 4 Tiseba
Sere 189
10 min: Veika me kacivaki.
15 min: Veika e gadrevi ena ivavakoso.
20 min: “Na Vosa e Vosataki Taudonu.” Veitarotarogi kei na vakatasuasua. E levu era nanuma nira sega ni maqosa mera tekivuna na veivosaki, e cala nodra nanuma ni dodonu mera kenadau sara ena vosa me qai vuavuaivinaka kina na nodra cakacaka. Vakamacalataka na sala e rawa kina vei keda kece, wili kina o ira na ka vou kei ira na dautukutuku gone, meda tekivuna na veivosaki kevaka eda saga. Veivosakitaka na iwalewale e vakaturi, vakabibitaka ni rawarawa, qai sureta e rua se tolu na dautukutuku me ratou vakatasuasuataka. Raica na Noda Cakacaka Vakaitalatala ni Matanitu, Maji 1998, taqana 8, me ikuri ni iwalewale e rawa ni vakayagataki. Uqeti ira kece me donu tiko ga nodra rai me rawa nira na reki tiko ga vakalevu ena nodra cakacaka vakaitalatala.
Sere 218 kei na masu.