Saravi Noda Duavata Vakamataveitacini Ena Vidio—United by Divine Teaching
A veitomani na ivakatawa ni tabacakacaka ina nona vuli iVolatabu e dua na marama e se bera vakadua ni tiko ena soqoni ni ivavakoso. E mani sureti koya me sarava mada na vidio, United by Divine Teaching. E lakova sara ga na soqoni ena macawa oya qai tukuna ni marautaka vakalevu ni tiko rawa kina. Na cava e sa rui cakayaco totolo kina vaka oya na vidio oqo? E druka vakalevu na marama oya ni sarava na noda mareqeta tiko na duavata vakamataveitacini ena vuravura e sinai kina na ivakarau kaukaua kei na veicati.—Joni 13:35.
Nida sarava na vidio, eda raica, da vakila tale ga na vakacegu kei na veilomani e kune ena keda maliwa na iVakadinadina i Jiova e vuravura raraba. Meda vakasamataka mada na veitaro oqo:
(1) Na cava e veiganiti kina na usutu ni soqo ni tikina ni 1993-94, “Na iVakavuvuli Vakalou”?—Maika 4:2.
(2) E yaga vakacava ina so na vuvale na nodra ciqoma na ka dina mai na iVolatabu? E yaga vakacava ina nomu vuvale?
(3) Na cava e bibi kina me vakavulici keda o Jiova?—Same 143:10.
(4) Na ka ni bolebole cava soti e sotavi me tuvanaki rawa kina na soqo lelevu ni tikina?
(5) E dina vakacava na Same 133:1 kei na Maciu 5:3 ena soqo ni tikina vakarisito o sa bau donuya?
(6) Na cava e laurai ena kena cakayaco na ivakavuvuli vakalou?—Vkta. 7:9.
(7) Na veipapitaisotaki levu cava a se qai bau caka vakadua vei ira na lotu Vakarisito dina?
(8) Na vosa cava i Maika, Pita, kei Jisu sa vakayacori tiko oqo vei ira na iVakadinadina i Jiova?
(9) Na cava o vakadinata kina ni sega ni vatavatairalago ga na nodra rawa ni marau, ra duavata na kawatamata?
(10) O na vakaraitaka vei cei na vidio oqo, na cava e vuna?
Ni sarava oti na vidio oqo e dua na tacida yalewa, e tinia ena nona tukuna: “E vukei au na vidio oqo meu kua ni guilecava nira lewe levu na tacida lotu Vakarisito e veiyasa i vuravura era yalodina tiko na qaravi Jiova ena tikinigauna sara ga oqo. . . . E ka vakamareqeti dina na noda duavata vakamataveitacini!”—Efeso 4:3.