iTuvatuva ni Soqoni ni Cakacaka

Macawa me Tekivu ena 12 Noveba

Sere 170

8 min: Veika me kacivaki. Kena e digitaki mai na Noda Cakacaka Vakaitalatala ni Matanitu.

15 min: “Vakararavi Vei Jiova​—Mo Kaukaua Kina.”a Me okati tale ga e ke na kena vakamacalataki vakalekaleka Na Vale ni Vakatawa, 1 Okotova, 1999, taqana 18-​19, parakaravu 6-8.

22 min: “Dolea ena Vakavinavinaka na Loloma i Jiova​—Eda na Vakalougatataki Kina​—Wase 1.” bNi veitarotarogitaki na parakaravu 3-6, sureti ira na lewe ni ivavakoso mera vakamacalataka e so na veika vinaka era sotava ena cakacaka vakavunau e veivale, ena salatu, ena veisikovi lesu kei na nodra caka vuli iVolatabu.

Sere 191 kei na masu.

Macawa me Tekivu ena 19 Noveba

Sere 172

8 min: Veika me kacivaki. Ripote ni akaude.

15 min: “E Dua na iTavi Dokai.” Me dua na nona vosa ni veivakauqeti e dua na qase.

22 min: “Me Vakavulici na Lomada.”c Me bulabula na nona veitarotarogitaka e dua na qase na railesuvi ni porokaramu ni siga ni soqo lavotaki sa vakayacori oti ena yabaki vakacakacaka sa dromu.

Sere 195 kei na masu.

Macawa me Tekivu ena 26 Noveba

Sere 177

15 min: Veika me kacivaki. Vakadreti ira na dautukutuku mera solia na nodra ivolatukutuku ni cakacaka ni Noveba. Me rua na vakatasuasua e vakarautaki vinaka me taurivaki kina na iwalewale e vakaturi ena “Ka Mo Kaya me Baleta na iVoladraudrau,” ni soli Na Vale ni Vakatawa, 1 kei na 15 Noveba. Dusia tale ga na vanua e rawa ni tauri mai kina na iwalewale ni kena soli ena Tiseba na ivola E Rawa Mo Bula Tawamudu ena Parataisi e Vuravura kei na Noqu i Vola ni Talanoa ena i Vola Tabu.

15 min: “Na Gauna Cava me Caka Kina?” Me dua na vosa, ra vakaitavi tale ga kina na vakarorogo. Me okati tale ga e ke e so na tikina bibi mai Na Vale ni Vakatawa, 1 Okotova, 2000, taqana 20-1, parakaravu 9-10, ena ulutaga lailai, “So Era Kunea na Gauna Mera Vuli Kina.” Sureti ira na vakarorogo mera vakamacalataka e so na sala era vakabula gauna kina nira tarovi ira mai na nodra cakava e so na ka e sega soti ni yaga mera cakava rawa kina na veika bibi. Vakabibitaka ni dodonu meda tikica na gauna meda vuli kina vakataki keda, vakavuvale, da lako ina soqoni ni ivavakoso, ina cakacaka vakaitalatala, da qai wili iVolatabu e veisiga.

15 min: Ra Vakacaucautaki Jiova Tiko na iTabagone. Ra vakaitavi tale ga na vakarorogo. E levu na gone era vakaitavi ena cakacaka vakavunau ena vuqa na ivavakoso. E dodonu oqo, dina beka ni so na gauna era na dau vunau vei ira na uabula. (Same 148:12, 13; Maciu 21:15, 16) Na nodra kauai na itubutubu kei ira na vo ni dautukutuku ena nodra veivakavulici kei na veivakayaloqaqataki, era na marautaka kina vakalevu na gone na cakacaka vakavunau. Sureti ira na vakarorogo mera tukuna e so na sala e rawa nida okati ira kina na gone ena vunau e veivale kei na veisikovi lesu. Kerei ira na itubutubu mera vakamacalataka na ka era cakava mera vakavulici ira kina na luvedra ena iwalewale ni soli ivoladraudrau, ra vakayagataka na iVolatabu nira vakamacala, ra qai kua ni rere nira vunau e veivale. Vakabibitaka ni vinaka mera dau vakacaucautaki na gone. Me vakatarogi e dua se rua na dautukutuku gone, me rau vakamacalataka na vuna, kei na cava erau marautaka kina na cakacaka vakavunau.

Sere 198 kei na masu.

Macawa me Tekivu ena 3 Tiseba

Sere 179

8 min: Veika me kacivaki.

15 min: E So na Tikina Vivinaka Mai na iVola na Reasoning. Ra vakaitavi tale ga na vakarorogo. Me dikevi e so na tikina vivinaka ena ivola ena yaga vakalevu nida vakamacalataka na ivakavuvuli vakaivolatabu: Na “Definition” se ivakamacala e koto ena ruku ni ulutaga levu na “Kingdom” (Matanitu ni Kalou) (taqana 225-6) se ena kena e koto ena ruku ni ulutaga na “spirit” (yalo) (taqana 380); na ivakavuvuli dina me baleti eli (taqana 168-70); tuvai vakamatailalai kina na veivakavuvuli e vakaduiduitaki keda mai na lotu tale e so (taqana 199-201) kei na sala e rawa ni kila kina e dua na lotu dina (taqana 328-30); itukutuku makawa e vakaraitaka na vanua e tekivu mai kina na Kirisimasi (taqana 176-8) se na nodra tawaveitovaki na lotu Vakarisito taumada (taqana 273-5); na veika vakasaenisi e tokona na veibuli (taqana 85-6) se na leqa e vu mai na kana mariwana kei na vakatavako (taqana 108-11). Uqeti ira na dautukutuku mera vakayagataka na ivola totoka ni veivakavulici oqo ena cakacaka vakavunau.

22 min: “Dua na iYaya Vou me Tauyavu Kina na Vuli iVolatabu!” Me taura na ivakatawa ni cakacaka, ra qai vakaitavi tale ga na vakarorogo. Ke sa tu na ivolacebaceba Oni Via Kila Vinaka na iVolatabu?, mera qai veisoliyaka na dauveivuke e yadua vei ira kece na tiko ena soqoni. Me rua na vakatasuasua e vakarautaki vinaka me taurivaki kina na iwalewale e vakaturi ena kato na “Ka Mo Kaya me Baleta na iVoladraudrau.” Me vakayagataki ruarua kina na iwalewale e koto ena ruku ni ivoladraudrau ni 1 Tiseba. Me rau tinia ruarua na dautukutuku na nodrau ivakamacala ena nodrau solia na ivolacebaceba Oni Via Kila Vinaka na iVolatabu? Me dua na itaukeinivale me ciqoma na ivoladraudrau me dua e sega. Veiuqeti meda solia na ivolacebaceba vou vei ira kece eda sotavi ira ena cakacaka vakavunau.

Sere 200 kei na masu.

[iVakamacala e ra]