‘Me Biu Vakatikitiki Toka e So na iLavo’

Ena ivavakoso lotu Vakarisito taumada, a tu na leqa vakayago me qaravi. O koya gona, me veiganiti kei na ka era dui rawata na lewe ni ivavakoso, era a uqeti yadua mera ‘biuta vakatikitiki toka e so na ilavo’ me nodra cau, me qaravi rawa kina na veileqa oya. (1 Kor. 16:1-3, VV) Ena vuku ni nodra lomasoli era marau kece kina ena nodra “vakavinavinaka vua na Kalou.”​—2 Kor. 9:11, 12, VV.

Sa tubu tiko ga edaidai na noda cakacaka e vuravura raraba na tamata i Jiova, ena vinakati tale ga kina na veitokoni vakailavo. E veiganiti gona me wasoma na noda ‘biuta vakatikitiki toka e so na ilavo’ me vukea na cakacaka oqo. (2 Kor. 8:3, 4) E vica na sala e rawa nida cau kina. (Raica Na Vale ni Vakatawa, 1 Noveba, 2001, taqana 28-9.) Eda raica oqo me noda itavi dokai, eda na marau kina.​—Caka. 20:35, NW.