iTuvatuva ni Soqoni ni Cakacaka

Macawa me Tekivu ena 13 Okotova

Sere 215

10 min: Veika me kacivaki kei na kena e digitaki mai na Noda Cakacaka Vakaitalatala. Uqeti ira kece mera vakayagataka na taro ena tabana 1 mera raica lesu kina na veika era vakavola ena porokaramu ni Soqo ni Tikina “Vakalagilagia na Kalou,” mera qai vakarautaka mai ena Soqoni ni Cakacaka e tarava. Me rua na vakatasuasua me taurivaki kina na vakatutu ena tabana 8, me dua e taurivaka Na Vale ni Vakatawa, 15 Okotova, kena ikarua na Yadra!, Okotova-Tiseba. Ia ni caka na vakatasuasua yadua, me rau soli vata na ilavelave ruarua, dina ni na vakamacalataki ga e dua. Me dua vei rau me vakatasuasuataka nona veisikovi lesu ena yalava ni ivoladraudrau. Me dusia na kato “Ena iTabataba e Tarava” qai tukuna rawa toka na ulutaga me nanamaki tiko mai kina ena veisiko e tarava.​—Raica Noda Cakacaka Vakaitalatala, Okotova 1998, t. 8, p. 7-8.

20 min: “‘Qaravi Jiova ena Reki.’”a (Ni veivosakitaki na ulutaga oqo, e dodonu me tiko kece vei ira na vakarorogo na itoma ni Noda Cakacaka Vakaitalatala, Janueri 2002.) Ni veivosakitaki oti na parakaravu 4, tukuna na ivola ena soli tiko ena Noveba, na brochure na Loma ni Kalou kei na ivola na Kila. Railesuva vakalekaleka e dua na iwalewale ena itoma ni Noda Cakacaka Vakaitalatala, Janueri 2002. Me vakatovotovotaki na iwalewale oya. Uqeti ira kece mera dau vakavakarau vinaka ena cakacaka vakaitalatala.

15 min: E Vu ni Veivakalougatataki na Caka Vuli iVolatabu. Me dua na vosa ra vakaitavi tale ga na vakarorogo. Tukuna e so na vakasavuirogorogo e tabaki ena noda ivola me baleta na vuli iVolatabu e toso vinaka. (w-FN 3/1/00 t. 6; yb98-E t. 55-​60) Sureti ira na vakarorogo mera vakamacalataka na ka era vulica mai na ivakaraitaki kei na sala e yaga kina nodra caka vuli iVolatabu.

Sere 172 kei na masu.

Macawa me Tekivu ena 20 Okotova

Sere 86

5 min: Veika me kacivaki.

40 min: “Uqeti Keda Meda Vakalagilagia na Kalou na Soqo ni Tikina kei na Soqo ni Veimatanitu!” Me nona itavi e dua na qase. Me kua ni sivia na dua na miniti na ikau ni vosa, me veivosakitaki kina na porokaramu ni soqo ni tikina ena kena tarogi na taro e vakarautaki. Wasea na gauna me rawa ni tarogi kece na taro, rawa ni yadua ga na isau ni so na taro. Sega ni tukuni me wiliki kece na tikinivolatabu era volai; era kau mai oqori me vakarawarawataka ga na kena saumi na taro. Mera kauta cake mai na mataveitacini na sala e yaga kina vei ira nodra muria na veika era vulica.

Sere 112 kei na masu.

Macawa me Tekivu ena 27 Okotova

Sere 64

12 min: Veika me kacivaki. Ripote ni akaude. Vakadreti ira na dautukutuku kece mera solia nodra ivolatukutuku ni cakacaka ni vula o Okotova. Uqeti ira mera raica lesu na veika era vakavola ena porokaramu ni siga ni soqo lavotaki sa oti, mera qai vakarautaka mai ena Soqoni ni Cakacaka e tarava. Me dua na vakatasuasua me taurivaki kina na vakatutu ena tabana 8, me taurivaki Na Vale ni Vakatawa, 1 Noveba. Me rau soli vata kei na Yadra!, dina ni na vakamacalataki ga Na Vale ni Vakatawa. Ia me nona iulubale na itaukeinivale oqo, “Sega sa Rauta,” me vaka e koto ena ivola lailai Na Sala me Tekivu Qai Tomani Kina na Veivosaki ena iVolatabu, tabana 8.

20 min: Vakayagataka na iSeleiwau ni Yalo Tabu. (Efeso 6:​17) Me yavutaki na itavi oqo ena ivola na Vuli Vunau, tabana 143-4, ra vakaitavi tale ga kina na vakarorogo. Sureti ira mera vakamacala ena taro oqo: (1) Cava na vuna eda dau vakayagataka kina na iVolatabu nida sauma tiko e dua na taro? (2) Cava e dusia na yaca iVakadinadina i Jiova me baleti keda? (3) Na ivakaraitaki cava e biuta o Jisu, kei na sala cava e rawa nida vakadamurimuri koya kina? (4) Ena noda yalava, sala cava soti e rawa ni cauraki kina na vakasama vakaivolatabu? (5) Cava e vinaka kina meda wiliwili sara ga mai na iVolatabu ena veigauna kece e rawa? (6) Sala cava e rawa nira veiuqeti kina na qase ena kena vakayagataki vinaka na iVolatabu? Me dua na vakatasuasua e vakarautaki vinaka, e yavutaki ena vakatovotovo ena tabana 144, e rawa ni vakayagataka e dua se rua na tikinivolatabu o koya na dautukutuku matua me sauma kina na taro. Uqeti ira kece me nodra isausau mera vakayagataka na iVolatabu ena gauna kece era vunau kina.

13 min: Vakasavuirogorogo. Sureti ira na vakarorogo mera tukuna e so na ka a yaco ena vunau tawalokuci ena nodra ilakolako ena soqo ni tikina, e valenicakacaka, e koronivuli, se dua tale na vanua.

Sere 52 kei na masu.

Macawa me Tekivu ena 3 Noveba

Sere 147

5 min: Veika me kacivaki.

15 min: Veika e gadrevi ena ivavakoso.

25 min: Meda Vutuniyau ena Cakacaka Vinaka. (1 Tim. 6:18, VV) Me tarogi na taro era koto oqo, me nona itavi e dua na qase ra qai vakataivi tale ga kina na vakarorogo ena kena railesuvi na porokaramu ni siga ni soqo lavotaki a vakayacori ena yabaki vakacakacaka sa oti. Sureti ira na vakarorogo mera tukuna na sala era sa muria tiko kina na veika era vulica. (Rawa ni lesi rawa tu e liu oqori.) Me veivosakitaki na veitikina oqo mai na porokaramu: (1) “E Vu ni Veivakalougatataki na Cakacaka Vinaka.” (Dauv. 2:11) Cava na vuna era dau vakaogai ira kina na dauveiqaravi ni Kalou ena cakacaka vinaka e vakamacalataki ena Vosa ni Kalou, ra qai sega ni ogaoga ena cakacaka tawayaga? (2) “Mo Vutuniyau ena Veika ni Kalou.” (Maciu 6:20) Sala cava era sa ‘kumuna vata kina e so na nodra iyau mai lomalagi’? Na cava na kena yaga? (3) “O na Vutuniyau ena Nomu Cakacaka Vakavunau ke Dua Nomu Vuli iVolatabu.” (om-FN t. 91) Cava e rawa ni vukei keda meda tekivutaka e dua na vuli iVolatabu? (4) “Na Veicakacaka Vinaka ena Gauna ni Tatamusuki Eda sa Donuya tu Oqo.” (Maciu 13:37-39) Era ivakaraitaki vinaka vakacava na lotu Vakarisito taumada ena cakacaka vinaka? Vakacava na kena tete na cakacaka ni Matanitu ni Kalou ena gauna oqo? (5) “Me Vakalagilagi Mada ga o Jiova ena Nomu Cakacaka Vinaka.” (Maciu 5:14-16) Sala cava era sa ‘vakacila rarama’ tiko kina e so? (6) “Ra Vakacaucautaki na iTabagone ena Nodra Cakacaka Vinaka ni Vakalagilagi Jiova.” (Same 148:12, 13) Sala cava era vakacaucautaki Jiova tiko kina na itabagone lotu Vakarisito ena noda tabacakacaka? (7) “Vakayacora Tiko ga na Cakacaka Vinaka me Vakalougatataki Iko Kina o Jiova.” (Vkai. 10:22) Nida vakaogai keda tiko ena cakacaka vinaka, na veivakalougatataki cava e rawa ni noda yadudua, vakavuvale, vakaivavakoso, se vakaisoqosoqo ena vuravura raraba?

Sere 180 kei na masu.

[iVakamacala e ra]