Uqeti Keda Meda Vakalagilagia na Kalou na Soqo ni Tikina kei na Soqo ni Veimatanitu!
Me yacova mai oqo era sa raica tiko na tamata na ivakadinadina levu ena vuku ni Soqo ni Tikina vaka kina na Soqo ni Veimatanitu e kena usutu “Vakalagilagia na Kalou.” E dau vakalagilagi na yaca i Jiova ena soqo bibi vakaoqori qai vakavulici keda meda maqosa ni ‘iataka vei Jiova na vakarokoroko sa kilikili kei na yacana.’ (Same 96:8) Io, e dodonu ga me vakalagilagi o koya ena vuku ni veika totoka e bulia, qai vakavotuya na nona itovo qoroi na veika oqori.—Jope 37:14; Vkta. 4:11.
Vakayagataka na taro e tarava kei na veika o a vakavola, mo vakavakarau kina qai vakaitavi tale ga ena kena railesuvi na porokaramu ni Soqo ni Tikina, ena macawa ni Okotova 20.
1. E rawa vakacava nira vakalagilagia na Kalou na veika buli era sega ni bula? E duidui vakacava na sala era vakalagilagi koya kina na tamata? (Same 19:1-3; “Tukuna na Lagilagi ni Kalou na Veika Buli”)
2. Cava e yaco tiko edaidai a vakatakarakarataki ena matalia i Jisu? Era uqeti vakacava kina na lotu Vakarisito? (Ulunivosa, “Uqeti Keda na Raivotu Vakaparofisai Lagilagi!”)
3. E rawa vakacava nida bucina na yalomalumalumu a vakaraitaka na parofita o Taniela? Ena yaga vakacava vei keda? (Tani. 9:2, 5; 10:11, 12; “Vakatakilai Vei Ira na Yalomalumalumu na Lagilagi i Jiova”)
4. (a) Cava e tolu na ka eda rawa ni vulica ena parofisai i Emosi me baleta na veilewai ni Kalou? (Emosi 1:3, 11, 13; 9:2-4, 8, 14) (b) Cava era vulica na iVakadinadina i Jiova edaidai nira dikeva na ivakaraitaki ena Emosi 2:12? (“Parofisai i Emosi—Kena iBalebale me Baleta Noda Gauna”)
5. (a) Cava e rerevaki kina na gunu vakasivia, dina beka ni sega ni mateni o koya e gunu tiko? (b) E rawa beka ni vakadodonutaki vakacava na leqa oqori? (Mari. 9:43; Efeso 5:18; “Qarauna De O Coriti ena Gunu Vakasivia”)
6. E sa yaga vakacava vei iko na ivola vou “Na Vanua Vinaka”? (“‘Na Vanua Vinaka’—iVakaraitaki Lailai ni Parataisi”)
7. Cava e tolu na sala eda rawa kina ni “vaka na iloilo ena noda vakaraitaka na lagilagi i Jiova”? (2 Kor. 3:18; Meda “Vaka na iLoilo ena Noda Vakaraitaka na Lagilagi i Jiova”)
8. Cava e vu ni veicati? Cava e rawa ni vukei meda yalodina tiko ga ni sotavi na ituvaki vaka oqori? (Same 109:1-3; “Sega na Vuna Meda Cati Kina”)
9. Cava na rai vakarisito baleta na rogo? Ena rawa vakacava ni kila e dua ni gadrevi vua me bucina vakamatau na rai vaka oqori? (Maciu 20:20-26; “Teivaka na Rai Vakarisito Baleta na Rogo”)
10. Cava e rawa ni vukei keda meda kaukaua tiko ga vakayalo ena gauna mada ga eda wawale kina vakayago? (“Eda Dau Oca, ia Eda Sega Ga ni Vakacauoca”)
11. Cava e so na sala e vakayagataka o Setani me vakavulica kina na veika lasu, qai tikinivolatabu veiganiti cava eda na sabaya kina nona via vakaleqa noda vakabauta? (Joni 10:5; “Qarauna na ‘Domo ni Vulagi’”)
12. (a) Era na vakatotomuria vakacava na itubutubu na ivakaraitaki i Jisu me vaka e volai ena Marika 10:14, 16? (b) Cava o taleitaka ena ivola vou na Vuli Vua na Qasenivuli Levu? (“Era iSolisoli Talei na Luveda”)
13. Na sala cava era vakacaucautaki Jiova tiko kina na itabagone? (1 Tim. 4:12; ulutaga ni vosa “Sala Era Vakacaucautaki Jiova Kina na iTabagone”)
14. Cava e dei ena nomu vakasama ena veika a caka ena drama “Vunau Tiko ga ena Doudou—Kua ni Rerevaka na Veivakacacani”?
15. Eda na vakatotomuria vakacava na ivakaraitaki i (a) Pita kei Joni? (Caka. 4:10) (b) Sitiveni? (Caka. 7:2, 52, 53) (c) na ivavakoso vakarisito ena imatai ni senitiuri? (Caka. 9:31; na drama kei na vunau “‘Kua ni Cegu’ ni O Kacivaka na iTukutuku Vinaka”)
16. (a) Eda yalataka meda vakacaucautaki Jiova ena sala cava soti? (b) Cava eda rawa ni vakadeitaka nida cakava na veika eda vulica mai na Soqo ni Tikina e kena usutu “Vakalagilagia na Kalou”? (Joni 15:9, 10, 16; “‘Vua Tiko ga Vakalevu’ me Vakalagilagi Kina o Jiova”)
Nida vakasamataka na ivakasala vakayalo vivinaka eda vulica ena soqo ni tikina, ena uqeti keda sara ga oqori meda vakaitovotaka. (Fpai. 4:8, 9) Ena vakaukauataka noda sasaga ‘meda cakava na ka kece ga me vakalagilagi kina na Kalou.’—1 Kor. 10:31, VV.