Ituvatuva Ni Soqoni Ni Cakacaka
Macawa me Tekivu ena 8 Noveba
Sere 180
10 min: Veika me kacivaki kei na kena e digitaki mai na Noda Cakacaka Vakaitalatala. Ena cava ena 14 Noveba na cakacaka lavotaki ni kena veisoliyaki na brochure vou Yadra Tiko! Eda na qai veisoliyaka na ivola Vuli Vua na Qasenivuli Levu me yacova ni cava na vula o Noveba. Railesuva vakalekaleka na vakatutu ena Noda Cakacaka Vakaitalatala, Me 2004, tabana 3.
15 min: Me Yaga Vei Keda na Soqoni ni Cakacaka. Mera vakaitavi na vakarorogo me yavutaki ena ivola Cokonaki, tabana 71-2. Nida italatala lotu Vakarisito, na cava e lima na sala ena vukei keda kina na Soqoni ni Cakacaka meda vakavinakataka? Tukuna e so na kena ivakaraitaki ena ituvatuva ni vula oqo. Na cava na yaga ni noda vakavakarau mai? Na cava meda tiko wasoma kina ena Soqoni ni Cakacaka? E yavutaki vakaivolatabu vakacava na soqoni oqo?
20 min: “Kua ni Wele!”* Okata na ivakamacala ena Vale ni Vakatawa, 15 Janueri, 2000, tabana 12-13.
Sere 19 kei na masu.
Macawa me Tekivu ena 15 Noveba
Sere 170
10 min: Veika me kacivaki. Ke ganita na yalava ni ivavakoso na vakatutu ena tabana 4, vakayagataka me vakatasuasuataki kina na kena soli Na Vale ni Vakatawa, 15 Noveba, kei na Yadra!, Okotova-Tiseba. Rawa ni vakayagataki e so tale na vakatutu veiganiti.
15 min: Vakavu Marau na Soli Ka. Na vosa e yavutaki ena Vale ni Vakatawa, 1 Noveba, 2004, tabana 19-23.
20 min: Bucina na Tataleitaki ena Brochure Vou. Me dua na vosa ra vakaitavi tale ga na vakarorogo, me nona itavi na ivakatawa ni cakacaka. E dodonu meda sikovi ira na taura na brochure Yadra Tiko!, me bucini kina na tataleitaki. Vakamacalataka vakalekaleka na brochure ni o vakayagataka na lewenivola ena tabana 2, vakabibitaka na veiyatuvosa ena ruku ni veiulutaga e volai ena matanivola katabuto. Rawa ni vakayagataki na veika e tukuni ena veiyatuvosa oqori me kuri kina na ivakamacala sa caka oti. Kena ivakaraitaki, ke veivosakitaki ena imatai ni gauna na tabana 3-4, e rawa ni veivosakitaki ena veisikovi e tarava na ulutaga ena tabana 5, “E Kauai Dina Beka na Kalou?” Vakamacalataka na kena icakacaka. Railesuva tale ga e vica na iwasewase ena tabana e katabuto, me vaka na tabana 6-8 kei na 17-18, se so tale e ganita na yalava. Me dua na vakatasuasua, me vakayagataki e dua na iwasewase se ulutaga ena tabana e katabuto. Me wiliki qai veivosakitaka e dua se vica na tikinivolatabu e sega ni lavetaki. Me tinia na dautukutuku ena nona tukuna e dua tale na iwasewase, me qai veivosakitaki ena veisiko e tarava.
Sere 66 kei na masu.
Macawa me Tekivu ena 22 Noveba
Sere 199
10 min: Veika me kacivaki. Ripote ni akaude.
15 min: Veika e gadrevi ena ivavakoso.
20 min: Tekivutaki na Vuli iVolatabu Vei Ira na Taura na Brochure Vou. Me dua na vosa ra vakaitavi na vakarorogo, me nona itavi na ivakatawa ni cakacaka. Me railesuvi vakalekaleka na veisikovi lesu a caka ena Soqoni ni Cakacaka ena macawa sa oti, me vakabibitaki na iwasewase katabuto a vakamacalataki ena itinitini ni veisikovi lesu oya. Me vakatasuasuataka o koya ga a vakatasuasua e liu (ke rawa) na nona veisiko e tarava. Me vakaraitaka na dautukutuku na daku ni brochure qai veisureti ena vulici ni iVolatabu, tuvanaka me veivosakitaki na lesoni 1 ni brochure na Loma ni Kalou ena veisiko e tarava. Uqeti ira kece mera tekivutaka na vuli iVolatabu vei ira kece era taura na brochure Yadra Tiko!
Sere 58 kei na masu.
Macawa me Tekivu ena 29 Noveba
Sere 23
10 min: Veika me kacivaki. Vakadreti ira na dautukutuku kece mera solia nodra ripote ni vula o Noveba. Me vakatasuasuataki na kena soli Na Vale ni Vakatawa, 1 Tiseba.
10 min: Kato ni Taro. Me vosa e dua na qase.
25 min: “Na Ka me Caka Mera Toso Kina Noda Vuli iVolatabu—Wase 3.”* Taroga na taro e vakarautaki. Ni veivosakitaki oti na parakaravu 3, me dua na vakatasuasua lekaleka ni caka vuli iVolatabu ena brochure na Loma ni Kalou, lesoni 5, parakaravu 1. Sa wiliki oti na parakaravu, sa saumi oti tale ga na taro. Me rau wilika qai veivosakitaka o qasenivuli kei gonevuli na Aisea 45:18 kei na Dauvunau 1:4. Taroga na taro ena uqeti gonevuli me vakamacalataka se rau veisemati vakacava na tikinivolatabu kei na tikina e veivosakitaki tiko.
Sere 178 kei na masu.
Macawa me Tekivu ena 6 Tiseba
Sere 96
10 min: Veika me kacivaki. Tukuna na ivola ena soli ena Tiseba. Me dua se rua na vakatasuasua ni kena soli na ivola Tamata Rogo Duadua.
20 min: “E Rawa Mo Veivuke?”* Me vakatarogi e dua se rua na dautukutuku erau marautaka na veivuke se na veivakayaloqaqataki era cakava na mataveitacini.
15 min: Vakasavuirogorogo. Sureti ira na vakarorogo mera vakamacalataka na ka marautaki era sotava ena nodra sikovi ira lesu o ira na taura na brochure Yadra Tiko! Me vakarautaki tu e liu e dua na vakatasuasua a yaco dina. Vakavinavinakataka na nodra veitokoni ena cakacaka lavotaki oqo.
Sere 101 kei na masu.
* Me kua ni sivia na dua na miniti na ikau ni vosa, veitarotarogi sara.