Soqo ni Tikina ni iVakadinadina i Jiova ni 2009
1. (a) Ena yaga vakacava vei keda na noda tiko ena siga tolutolu ni soqo ni tikina? (b) Na cava meda lalawataka rawa qo?
1 Eda vakanamata kece ina soqo ni tikina ni 2009 meda soqo vata kei ira na noda itokani e “gu na lomadra mera vulica na vosa ni Kalou,” ra vakacaucautaki Jiova tale ga. (Maciu 5:3, NW) Sa voleka sara mai na siga i Jiova, eda uqeti kece meda tiko ena siga tolutolu ni soqo. Ena yaga dina vei keda na noda veimaliwai kei ira na tacida vakayalo, da uqeti tale ga meda dei tiko ga ena vakabauta. (Sefa. 1:14) E dodonu me tukuni vei ira na qasenivuli kei na boso ni cakacaka ni tiki bibi ni noda sokalou na soqo ni tikina. Ena tokoni keda o Jiova ke da lalawa vakailiu, da kerea tale ga na nona veivakalougatataki.—Aisea 50:10.
2. Ke sega mada ga nida sureti ina dua na soqo ni veimatanitu, na cava meda namaka me baleta na noda soqo ni tikina?
2 Soqo ni Veimatanitu: Era na gole ga o ira na digitaki mera mata, ni yalani na vanua kei na siti ena vakayacori kina na soqo. Ena sega na veiosoosoti ke da veitokoni ena tikina qo. (1 Kor. 14:40, VV; Iper. 13:17) Ia meda namaka ni vica vata na soqo ni tikina ena vaka ga na soqo ni veimatanitu, ni levu na daukaulotu, lewe i Peceli era veiqaravi e vanuatani, kei ira na tara vale ni soqoni se Peceli e vanuatani era na lai tiko ena dua na soqo ni tikina ena nodra vanua.
3. Eda na vakaraitaka vakacava vei ira e so ena ivavakoso nida lomani ira?
3 Vukea e So Tale: E tiko beka e so ena ivavakoso e vinakati mera vukei me rawa nira tiko ena soqo ni tikina? Nomu vukei ira qori e vakaraitaka ni o ‘sega ni nanuma na ka e baleti iko ga, o nanuma tale ga na ka e baleti ira na tani.’—Fpai. 2:4, VV.
4, 5. Na cava me caka ke o nanuma mo tiko ena dua tale na soqo ni tikina e sega ni lesi kina na nomu ivavakoso?
4 Vakatataro: Yalovinaka raica Na Vale ni Vakatawa ni Epereli-June, 2009 se taroga na vunivola ni ivavakoso ke o via kila na tikinisiga kei na vanua ni soqo, me kua na qiri ina valenivolavola ni tabana.
5 Ke o nanuma mo tiko ena dua tale na soqo ni tikina e sega ni lesi kina na nomu ivavakoso o qai vinakata na icili, rawa ni o volavola ina tabana e qarava na soqo ni tikina e volai tiko ena tabana e muri ni fomu Special Needs Room Request. Na fomu qori ena vakau yani vua na vunivola ni ivavakoso. Ke o via kila na kena macala, mo tawana vata mai kei na nomu ivola e dua tale na waqanivola sa saumi oti na kena sitaba, e volai tu kina na nomu katonimeli.
6. Na ituvatuva cava me muri ke vinakata e dua na dautukutuku me vukei me baleta nona icili?
6 Veika e Gadrevi: Ke vinakata na veivuke e dua na dautukutuku me baleta nona icili, ena vakatulewataka na Komiti ni Cakacaka ke ganiti koya me vakalewena na fomu Special Needs Room Request. Ni bera ni vakauta na vunivola ni ivavakoso na fomu ena tabana ni veivakaicilitaki ni soqo ni tikina, me muri na idusidusi e tiko ena fomu kei na kena e tiko ena ivola a vakau ina ilawalawa qase kece ena 14 Tiseba 2008.
7. Na cava meda qarauna nida vakavakarau, da tiko tale ga ena soqo ni tikina ni 2009?
7 Veika e Lagiti Kina na Kalou: Ena vinaka na keda irogorogo da qai sega ni veivakatarabetaki ke da vakaraitaka ena veika eda cakava na itovo e umani ena vua ni yalo tabu. Meda qarauna tale ga na ka eda tukuna kei na noda ivalavala nida veimaliwai voli ena vanua ni soqo. (1 Kor. 10:31; 2 Kor. 6:3, 4) Me lagiti mada ga na Kalou ena noda ivalavala nida tiko ena soqo ni tikina ni 2009!—1 Pita 2:12.
[Kato ena tabana e 4]
Gauna ni Soqo:
Lotulevu (Soqo ga ni Veimatanitu)
1:20 p.m.–4:55 p.m.
Vakaraubuka kei na Vakarauwai
9:20 a.m.–4:55 p.m.
Sigatabu
9:20 a.m.–4:00 p.m.