Kato ni Taro

◼ Na cava mo cakava ke tukuni vei iko me sa rauta na vunau?

Ena so na gauna era vakarota na ovisa vei ira na mataveitacini ra cakacaka tiko vakavunau me sa rauta na vunau baleta nira beca na lawa. Ke yaco qo vei iko mo doka qai vagalala ena kena gauna totolo duadua mai na yalava. (Maciu 5:41; Fpai. 4:⁠5) Kua tale ni o saga mo walia na ituvaki qori ena nomu via vakamacalataka na nomu dodonu vakalawa. Ke rawa, mo maqosataka nomu taroga na yacana na ovisa, vola sara kei na vanua e veiqaravi kina. Oti ya, tukuna totolo sara vei ratou na qase, eratou na qai veitaratara kei na valenivolavola ni tabana me baleta na leqa qo. Me caka tale ga qo ke tukuna vei iko e dua e yadra tiko ena vale tabavica e redetaki se dua e soli vua na lewa me raica na kena qarauni mo vagalala. Ena rawarawa na noda veivosaki kei ira na veiliutaki ke da vakaraitaka na yalomalua kei na yalomalumalumu.​​—⁠Vkai. 15:1; Roma 12:18.