Yalovinaka Mo Lako Totolo

Lako totolo e vei? Vei ira na dau taleitaka na noda ivola se na noda dui yalava ni ivoladraudrau, se o ira era taleitaka me dua na iVakadinadina e sikovi ira yani. E lako mai vei na kerekere vaka oqo? Mai vei ira na dau volavola se talevoni ena valenivolavola ni tabana, se na nodra vakayagataka na Web site ni isoqosoqo. Ni ciqomi na tataleitaki vaka oqo, e dau veitaratara sara na valenivolavola ni tabana kei na ivavakoso era voleka kina ena kena vakayagataki na S-70 form, e volai toka kina “Please Arrange for a Qualified Publisher to Call on This Person (Me Qai Kerei e Dua na Dautukutuku Matua me Sikovi Koya).” Ke sa taura na qase na S-70 form, me ratou solia vakatotolo vua na dautukutuku me sikovi koya sara na tataleitaki oya. Ke dredre vua me kunei koya e vale, e rawa ni qiriti koya ena talevoni se vola e dua na ivola qai daramaka toka vakavinaka ena ruku ni katuba. Kevaka gona o kerei mo sikova e dua na tataleitaki, saga sara vakatotolo mo veitaratara kei koya.