Veisau na iTuvatuva ni Soqoni ena Lomanimacawa

Me tekivu ena macawa ni 3 Seviteba, sa na veisau na balavu ni Vuli iVolatabu ni iVavakoso mai na 25 na miniti ina 30 na miniti. Ena nona ikaunivosa o koya e taura na vuli, ena railesuva ena dua na miniti na ka e vulici ena macawa e liu. Ena veisau tale ga na balavu ni Soqoni ni Cakacaka, mai na 35 na miniti ina 30 na miniti. Sa na sega na itavi me baleta na veika me kacivaki. Ia ke tiko na ka me kacivaki, me caka qori ni tekivu na imatai ni itavi. Ena levu na gauna, ena vica ga na ka e gadrevi me kacivaki qai sega ni gadrevi me kacivaki na itavi ena vakayacori. E sega ni dodonu me kacivaki na ituvatuva ni cakacaka vakavunau, sasamaki, kei na itukutuku ni loloma. (km 10/08 t. 1, para. 4) Ke balavu na ka me kacivaki, e vinaka mera kila rawa qori o ira na vakaitavi me rawa nira vakalekalekataka na nodra itavi.