Meda Maqosa Tiko ga ena Cakacaka Vakaitalatala​—Vunau Vei Koya e Duidui Nona Vosa

Vuna e Bibi Kina: E kauaitaka o Jiova nodra bula vakayalo na tamata “mai na veivanua kece.” (Caka. 10:34, 35) E vakaraitaka gona o Jisu ni na vunautaki na itukutuku vinaka ena “veiyasa i vuravura” kei na “veimatanitu kece.” (Maciu 24:14) E parofisaitaka o Sakaraia nira na vakarorogo o ira na “duivosavosa mai na veivanua kece.” (Saka. 8:23) E raivotutaka na yapositolo o Joni nira na bula ena veivakararawataki levu o ira “mai na veimatanitu kece, veiyavusa, veimatatamata, kei na duivosavosa.” (Vkta. 7:9, 13, 14) Ena yavu gona qo, eda na saga meda vunau vei koya eda sotava ena noda yalava e duidui na nona vosa.