Sala me Tekivu Kina na Veivosaki ena Tikidua

Me tekivu mai na Janueri 2018, e dau tabaki na vakatutu ni veivosaki ena imatai ni tabana ni Noda Bula vaKarisito kei na Cakacaka Vakaitalatala. Eda uqeti meda dau veivosaki kei ira na lewenivanua, meda kua ni veisoliyaka ga na ivola. Me kila o dautukutuku na sala me tekivutaka kina na veivosaki, e vakaraitaki ena vidio ni vakatutu ni veivosaki na sala me vakayagataki kina na iVolatabu me tekivu kina na veitalanoa. Vakacava, kena ibalebale qori meda sa kua ni solia na ivola nida vunau e veivale? Sega! Kena ivakaraitaki, e rawa ni tekivutaki tale ga na veivosaki ni vakayagataki na tikidua. Qo e dua na kena iwalewale:

1. Taroga na taro ena tabana e liu.

2. Vakaraitaka na ka e kaya na iVolatabu ena tabana e rua e cake. Ke levu na gauna, wilika qai veivosakitaka eso tale na ka ena loma ni tikidua.

3. Solia na tikidua vei itaukeinivale, uqeti koya me wilika vakaoti ena nona gauna galala.

4. Ni bera ni o biubiu, vakaraitaka na taro ena tabana e muri ena ulutaga “Vakasamataka Mada,” tuvanaka na siga mo lesuvi koya kina mo drau veivosakitaka na kena isau vakaivolatabu.

Ni o lesuvi koya, drau veivosakitaka na kena isau qai biuta toka e dua tale na taro mo drau veivosakitaka ena veisiko e tarava. O rawa ni taroga e dua na taro ena noda website, se na ivola e vakatututaki ena iotioti ni tabana. Ena dua tale na gauna veiganiti, vakaraitaka na brochure iTukutuku Vinaka Mai Vua na Kalou! se dua tale na ivola ni vuli ena Teaching Toolbox.