Lutu na iWiliwili ni Veika Bula ena Loma ni 50 na Yabaki​—Cava e Kaya na iVolatabu?

Ena ika9 ni Okotova 2024, e vakaraitaka e dua na itukutuku bibi na isoqosoqo na World Wildlife Fund, ni sa vakacacana tiko vakalevu na veika bula na cakacaka ni tamata. E kaya ni “lutu ina dua na ikava na iwiliwili ni manumanu ena sivia na 50 na yabaki sa oti (1970-2020). E vakarota tale ga na isoqosoqo qori: “Eda vakadinata ni ka ena yaco vei ira na veika bula ena lima na yabaki mai qo, ena vakaraitaka na bula e vuravura ena gauna se bera mai.”

E levu era kidroataka na itukutuku qori. Eda mareqeta na vuravura totoka qo, da qai cata nira rarawa na veika bula. Na vuna? Na Kalou e buli keda meda taqomaki ira na manumanu.​—Vakatekivu 1:​27, 28; Vosa Vakaibalebale 12:10.

De dua o na vaqaqa, ‘Eda rawa ni taqomaka na veika bula ena vuravura qo? Cava e kaya na iVolatabu?’

Na inuinui ena gauna se bera mai

Se mani vakacava na noda sasaga meda taqomaka na veika bula, na Kalou ga e rawa ni taqomaki ira. E parofisaitaka na Vakatakila 11:​18, ni Kalou ena “vakawabokotaki ira.  .  . na vakarusai vuravura tiko.” E rua na ka eda vulica ena tikinivolatabu qori:

1. 1. Na Kalou ena vakawabokotaki ira vakadua na vakarusa tiko na vuravura.

2. 2. Sa vakarau cakava qori na Kalou. Eda kila vakacava? Ni vakatauvatani kei na veigauna sa oti, sa vakacacana tiko vakalevu na veika bula na kawatamata.

Cava ena cakava na Kalou me walia kina na leqa qori? Ena vakayagataka na nona Matanitu vakalomalagi me lewa na vuravura taucoko. (Maciu 6:10) Ena vakavulici ira tale ga na kawatamata talairawarawa ena sala mera karona qai taqomaka na veika bula e vuravura.​—Aisea 11:9.