Na Taba ni Bebe

E RUI mamare na taba ni bebe e dredre kina nona vuka ni kabita na kuvu se ni suasua. Ia e savasava qai mamaca tu ga na tabana. E rawa vakacava qori?

Vakasamataka mada: Era vakadikeva e dua na mataqali bebe karakarawa e vakatokai na Giant Blue Morpho (Morpho didius) na kenadau mai na Ohio State University. Era dikeva ni dravia na taba ni bebe nida raica yani, ia e vakavarina na tabana qai tuvani tu me vaka na vari ni ika. Na laini lalai ena dela ni varina e vakarawarawataka na sisi ni wai, me kua tale ga ni kabita na duka. Era saga tiko na idinia mera vakatotomuria na taba ni bebe, oya mera bulia na iyaya ni cakacaka kei na iyaya ni veiqaravi vakavuniwai ena sega ni suasua se kabita na duka.

Na taba ni bebe e ivakaraitaki ni nodra sasaga na saenisi mera vakatotomuria na veika era cakava na kabula. E kaya na dauvakadidike o Bharat Bushan: “Era qoroya ena veisenitiuri na kawatamata na maqosa ni ka era cakava na veikabula, mai na ka lalai ina ka lelevu.”

Na cava o nanuma? E bula vakaidewadewa se buli na taba ni bebe?