O na Kunea e Vei na Marau Dina?

CAVA e rivarivabitaki kina ni o sega ni rawata na ka o sasagataka? O nanuma ni o sa rawata na marau dina, ia e sega. Ke o sega ni rawata eso na ka o sasagataka, o na rawa ni cakacaka vakaukaua. O na vuli tale ga mai kina.

Ia ena duidui na ka o vakila ni o sega ni marau dina. O na rairai nanuma ni o sa marau tiko, ia e sega ni vaka kina. O qai kida sa bera.

Vakasamataka mada na taro i Jisu Karisito: “Ena yaga vakacava vua e dua ke rawati vuravura taucoko, ia e qai vakayalia nona bula?” (Maciu 16:26) Qo e dusi ira na dau qara vakasivia na ilavo kei na ka e rawati kina—na ka sara ga e sega ni vu ni marau dina. E vola o Tom Denham e dau veivakasalataki ena cakacaka: “Sega ni vu ni marau na kena vakabibitaki na tosoi cake ni itutu ni cakacaka, na qarai ni ilavo se vakaiyau. Sega ni vakatau ena nona marau dina e dua na nona vakailavo, ena sega tale ga ni vakainaki kina nona bula mai muri.”

E levu nikua era duavata kei na vakasama qori. Ena dua na vakadidike mai Merika, lailai sara era kaya ni “vakavuna na bula marau ke levu na ilavo.” Ia e levu ga era kaya ni bibi na sasagataki ni bula vinaka, veiwekani vinaka kei na marautaki ni cakacaka.

Levu gona era rawa ni vakaduiduitaka na veika e vakavuna na marau dina kei na kena e sega sara ga ni rawati kina na marau. Ia e dredre me donu tiko ga na rai me baleta na vakatulewa e vauca na marau dina.