Cava na Lomaocaoca?

Na lomaocaoca, oya na ka e vakila na yagomu ena gauna e vakatotolotaki kina e dua na ka. Ena vakauta nomu mona ena veitikiniyagomu na wai e kilai me hormone, e dau vakavuna na lomaocaoca. Ena vakatotolotaka na pamu ni utomu, yavalata nomu dra, veitubuyaki nomu yatevuso, tadre tale ga nomu masela. Ni bera ni yaco qori, sa na tu vakarau na yagomu me yavala. Ni oti ga nomu “lomaocaoca,” sa na cakacaka vinaka tale na yagomu.

KENA YAGA KEI NA KENA CA

E tiko na yaga ni lomaocaoca ni sotavi na ituvaki dredre se rerevaki. E tekivu ena nomu mona ni na saga me cakava kina vakatotolo e dua na ka. E tiko na ivakarau ni lomaocaoca ena rawa ni vukei iko mo rawata nomu isausau, se me vinaka na ka o cakava me vaka na veitarogi, vakatarogi me baleta nomu kere cakacaka se qito.

Ia ena rawa ni vakaleqai iko na lomaocaoca vakadede se vakasivia. Ni veitaravi se wasoma nomu “lomaocaoca,” o na rawa ni tauvimate, lomaleqa, guiguileca se tavayaya vakalevu. E rawa ni veisautaka sara ga nomu ivakarau ni veimaliwai. Rawa tale ga ni vakavuna mo gunu vakasivia, vakayagataka na wainimategaga se vakatavako me “iwali” ni nomu lomaocaoca. E rawa ni tini ena lomabibi, oca vakasivia, se via vakamatei iko ga.

E duidui na ivakarau ni lomaocaoca eda vakila, rawa tale ga ni vakavuna e levu na leqa. Ena vakilai qori ena veitikiniyagomu.