Vica Vata na Milioni na Yago Vakayalo

E kainaki ena iVolatabu nira bula tu e levu sara na yago vakayalo. O Jiova mada ga e dua na yago vakayalo.—Joni 4:24; 2 Korinica 3:17, 18.

A dau bula duadua tu o Jiova. Ia, sa qai buli ira na yago vakayalo, na yacadra na agilosi. Era kaukaua cake, ra qai vuku cake vei keda na tamata. Levu sara na agilosi e bulia o Jiova; e raivotutaka o Taniela, na dauveiqaravi ni Kalou, e duanadrau na milioni na agilosi.—Taniela 7:10; Iperiu 1:7.

Ni se bera ni bulia na vuravura, sa buli ira na agilosi na Kalou. (Jope 38:4-7) E sega ni dua vei ira me a tamata tu e vuravura ena dua na gauna oti oya qai mate.