iTinitini

E SEGA ni inaki ni ivola oqo me vakamacalataka vakamatailalai na neimami vakabauta na iVakadinadina i Jiova. Keitou saga ga me keitou vakamacalataka e so na neimami vakabauta, me keitou vakamatatataka tale ga na mataqali veituberi era tuberi tiko kina na nomuni gonevuli ke dua vei rau na itubutubu se o rau ruarua erau iVakadinadina.

Era raica vakabibi na iVakadinadina i Jiova na nodra tubu vakayalo na gone. Era qai vakabauta ni yaga sara vakalevu oqo ena veibasoga tale e so ni nodra bula. Na ka era vakabauta kei na ivakavuvuli era muria e vakainaki kina na nodra bula qai rawa kina nira walia na nodra leqa ni veisiga. Me kena ikuri, e uqeti ira na ka era vakabauta kei na ivakavuvuli era muria mera gonevuli mamakutu, mera dua tale ga na lewenivanua vinaka ena nodra bula taucoko.

Era saga na iVakadinadina me dau tu vei ira na rai donu, oya na vuna era raica kina vakabibi na vuli. Sa nodra gagadre kina mera cakacaka vata kei kemuni. Era na tomana tiko ga na iVakadinadina i Jiova na nodra uqeti ira na luvedra, e vale vaka kina ena nodra vanua ni soqoni ena veiyasa i vuravura, mera colata tiko ga na nodra itavi ena cakacaka yaga ni veitokoni oqo.