Ena marau vakacava na vuvale?

KA E KAYA NA IVOLATABU

“Ke dou kila na ka kece qo, dou na qai marau ke dou cakava!”​—Joni 13:17, Vakadewa ni Vuravura Vou.

KENA YAGA VEI IKO

Veilomani dina.​—Efeso 5:28, 29.

Veidokai dina.​—Efeso 5:33.

Vakacegu dina.​—Marika 10:6-9.

EDA RAWA NI VAKABAUTA NA KA E KAYA NA IVOLATABU?

Io, qo e rua na vuna:

• Na Kalou e Tauyavutaka na bula vakavuvale. E kaya na iVolatabu ni Kalou o Jiova e “vakayacani ira na vuvale kece.” (Efeso 3:14, 15, Vakadewa ni Vuravura Vou) O Jiova ga a vakavuna me tu na vuvale ena gauna qo. Na cava e bibi kina qo?

  Vakasamataka mada: Ke o taleitaka e dua na kakana vakatitiweli qai via kila na kena isaluwaki, o na tarogi cei? O na tarogi koya ga e vakasaqara.

  Ke o via kila tale ga se me marau vakacava na vuvale, e dodonu ga mo rai vei Jiova ni o koya e Tauyavutaka na bula vakavuvale.​—Vakatekivu 2:18-24.

• E kauaitaki iko na Kalou. E ka vakayalomatua vei ira na vuvale mera qara na ivakasala i Jiova ena nona Vosa. Na vuna? “Ni kauaitaki kemuni o koya.” (1 Pita 5:6, 7) E kila o Jiova na ka ena vinaka vei keda​—e dau mana tu ga nona ivakasala!—​Vosa Vakaibalebale 3:5, 6; Aisea 48:17, 18.