Era na bula tale na mate?
Cava o na tukuna . . .
io?
sega?
de dua?
KA E KAYA NA IVOLATABU
“Nira na vakaturi.”—Cakacaka 24:15, Vakadewa ni Vuravura Vou. KENA YAGA VEI IKO
Vakacegui iko ni mate na wekamu lomani.—2 Korinica 1:3, 4.
Sega ni rerevaka na mate.—Iperiu 2:15.
iNuinui dina nida na sotavi ira tale na wekada lomani era sa mate.—Joni 5:28, 29.
EDA RAWA NI VAKABAUTA NA KA E KAYA NA IVOLATABU?
Io, qo e tolu na vuna:
E Dauveibuli na Kalou. Na iVolatabu e vakatoka na Kalou o Jiova me “ivurevure ni bula.” (Same 36:9; Cakacaka 17:24, 25) E bulia na kabula kece, e rawa sara ga ni vakabula e dua sa mate.
Sa veivakaturi oti na Kalou. E volai ena iVolatabu e walu na veivakaturi. Era vakaturi kina na gone, qase, tagane, kei na yalewa e vuravura. So era se qai mate ga, dua ga e tu ena ibulubulu me va na siga!—Joni 11:39-44.
E vinakata sara ga na Kalou me cakava tale qori. E cata o Jiova na mate; e okata me meca. (1 Korinica 15:26) E “vinakata” me vakamalumalumutaka na meca qo, me vakaotia vakadua na mate ena nona veivakaturi. E lomana dina me vakaturi ira e nanumi ira tu, mera bula tale e vuravura.—Jope 14:14, 15, Ai Vola Tabu.