Mo Doudou

Ka e Cakava o Jisu

VIDIO: Vunau o Jisu Vei Sakiusa

1. Sarava na VIDIO, se wilika Luke 19:1-7, qai sauma na taro qo:

1. Na cava era sega ni dau kauaitaki Sakiusa kina eso?

2. Na cava e uqeti Jisu me wasea vua na itukutuku vinaka?

Na Cava Eda Vulica Vei Jisu?

2. E bibi na doudou meda vunautaka na itukutuku vinaka vei ira na tamata kece ga.

Vakatotomuri Jisu

3. Nuitaki Jiova. Na yalo tabu ni Kalou e vakaukauataki Jisu me vunau, ena rawa tale ga ni vakaukauataki iko. (Maciu 10:19, 20; Luke 4:18) Kerea vei Jiova na doudou meda vunau vei ira eda dau rerevaka.—Caka. 4:29.

4. Kua ni totolo ni raicalataka e dua. Eda rawa ni tu suka ni vosa vua e dua ena vuku ni kena irairai, nona itutu se rawaka vakailavo, nona ivakarau ni bula, se nona vakabauta vakalotu. Ia nanuma tiko:

1. O Jiova kei Jisu erau kila na loma ni tamata, eda sega ni rawa ni cakava qori.

2. Meda kua ni nanuma ni sega ni ganiti koya na loloma i Jiova.

5. Na doudou me lako vata kei na veidokai kei na qaqarauni. (Maciu 10:16) Kua ni veiba. Mo tinia vinaka na veitalanoa ke sega ni veiciqomi o koya drau veitalanoa tiko, se ke o nanuma ni leqataki nomu bula.—Vkai. 17:14.