Cava e Kaya na iVolatabu?

Ena vakilai dina e vuravura na sautu?

Cava o na kaya?

• Io

• Sega

• De dua

Ka e kaya na iVolatabu

Ena veiliutaki i Jisu Karisito, “ena . . . vakilai na sautu me yacova ni oti na vula.” Kena ibalebale ena vakilai tawamudu na sautu.​—Same 72:7.

So tale na ka eda vulica ena iVolatabu

• Nira sa vakarusai na daucaka ca e vuravura, era na qai “kunea na marau vakasakiti ena levu ni vakacegu” na tamata vinaka.​—Same 37:10, 11.

• Ena vakaotia na ivalu na Kalou.​—Same 46:8, 9.

E rawa ni vakilai ena gauna qo na vakacegu?

Era vakabauta eso  . . ni na qai vakilai ga na vakacegu dina ke muduki na rarawa kei na veika tawadodonu e vuravura. Cava o nanuma?

Ka e kaya na iVolatabu

Era rawa ni vakila na itokani ni Kalou ena gauna mada ga qo “na vakacegu ni Kalou e uasivia na vakasama kece.”​—Filipai 4:6, 7.

So tale na ka eda vulica ena iVolatabu

• E yalataka na Kalou ni na vakaotia na rarawa kei na veika tawadodonu, ena “vakavoutaka na ka kece.”​—Vakatakila 21:4, 5.

• Eda na lomavakacegu ke da kauaitaka noda “bula vakayalo.”​—Maciu 5:3.