Uqeta me Kilai na Yaga ni Vidio The Bible​—Mankind’s Oldest Modern Book

E vakabibitaki ena taro era koto oqo na veika o raica ni o sarava na vidio oqo: (1) Na ivakadinadina cava e vakaraitaka ni sega ni vakatauvatani kei na dua tale na ivola na iVolatabu? (2) Tukuna e dua na ivakaraitaki ni dina ga ni ivola makawa sara na iVolatabu, ia e duavata tale ga kei na saenisi ni gauna oqo. (3) Eda kila vakacava ni sega ni bau veisau na iVolatabu ni gauna oqo mai na kena a volai taumada? (4) Na cava e kilai tani duadua kina na ivolavolai ni iVolatabu ena gauna makawa, e vakataudeitaki iko vakacava? (5) Ena sala cava eratou vakaitavi kina o John Wycliffe, Johannes Gutenberg, William Tyndale, Mary Jones, kei Charles Taze Russell ena vakatetei ni Vosa ni Kalou e vuravura taucoko? (6) E tusaqata vakacava na lotu na iVolatabu, ia e qai taqomaki ga vakacava me yacova sara mai na noda gauna? (7) E vakacava sara mada na rabailevu ni nona vakadewataka qai tabaka na iVolatabu na isoqosoqo i Jiova? (8) E yaga vakacava na ivakasala vakaivolatabu vei ira e nodra leqa na veimauilavo (1 Tim. 6:9, 10), vei ira era veibiu, ra tawayalodina ena bula vakawati (1 Kor. 13:4, 5; Efeso 5:28-33), kei ira era ogaoga ga vakalevu ena kena qarai na vutuniyau vakayago (Maciu 16:26)? (9) Na ivakadinadina yaga cava e vakaraitaka ni bulataki na ivakavuvuli vakaivolatabu ena kauta tani na veicati vakamatanitu, vakamatatamata, vakaduikaikai ena vuravura oqo? (10) Ena sala cava soti e vakavumarau cake kina vakalevu vei iko na nomu vulica na iVolatabu? (11) O cei soti o nanuma ni na yaga kina na vidio oqo, o na vakaraitaka vakacava vei ira?