Ka Mo Kaya me Baleta na iVoladraudrau

Na Vale ni Vakatawa 15 Sepiteba

“Voleka ni lotu kece e tiko kina o ira na taleitaka na ka dina. Ia, vakalevu ga e raici ni vaka me dau kauta mai na veisei na lotu. Na cava beka ena vakaduavatataki ira na tamata yalomalumalumu? [Ni sa sauma nomu taro, wilika na Sefanaia 3:9.] E vakaraitaka na ivoladraudrau qo nira sa vakaduavatataki tiko na tamata ena veivanua kece ga ena vuku ni ka era sa mai vulica me baleti koya na Kalou dina.”

Na Vale ni Vakatawa 1 Okt.

“Au kila ni oni duavata kei au ni levu nikua era sega ni taleitaka mera dau veivosakitaka na noda vakabauta na Kalou. Ia na cava beka e vakina ya? [Ni sa sauma nomu taro, wilika na Iperiu 11:1.] Na ivoladraudrau oqo e sereka na ibalebale ni vakabauta dina, kei na vuna e yaga kina vei keda oya.”

Yadra! Okt.-Tis.

“Oni kila vinaka ni dua na leqa levu e Viti ena gauna qo na vakayagataki ni wainimate gaga. Vaka me sa veitalanoataki vakalevu qo, se vakaevei? [Waraka me sauma.] Ia e so era kaya tiko ni sega soti ni ca e so na kena mataqali me vaka na mariwana. Cava oni nanuma? Au kila ni oni na taleitaka na ivoladraudrau qo, vakabibi na taro e tarogi tiko qo ena taqana 9. [Vakaraitaka vua na kato e tarogi tiko kina “Vakaevei na Mariwana, e Sega ni Dua na Kena Ca?”]”

Yadra! Okt.-Tis.

“Dua na taro bibi keimami vakatarogi ira tiko mai kina na weka i keimami ena mataka nikua, ‘E tautauvata beka na lotu kece, dina ga ni duidui na sala era torova kina na Kalou?’ Cava oni nanuma? [Waraka me sauma.] Na vakasama oni tukuna mai qori e sega ni duidui kei na ka era nanuma e levu. Ia au vakabauta ni oni na taleitaka mo ni wilika na ulutaga qo. [Vakaraitaka na ulutaga ena taqana 28.]”