Ka Mo Kaya me Baleta na iVoladraudrau

Na Vale ni Vakatawa 15 Sep.

“Era vakila e vuqa nira vesuki tu ena dua na bula vakawati e sega kina na veilomani. E vei beka era na vukei kina? [Waraka me sauma.] E vakadeitaka vei keda na iVolatabu ni rawa ni vukei keda na ivakavuvuli ni Kalou. [Wilika na Aisea 48:17, 18.] Na Vale ni Vakatawa oqo e vakamacalataki kina na ivakavuvuli vakaivolatabu e rawa ni vakaukauataka na ivau ni vakawati.”

Na Vale ni Vakatawa 1 Okt.

“Oni sa bau vakataroga beka, ‘Kevaka e dau loloma qai kaukaua na Kalou, na cava ga e sega ni dau vukei ira kina na sotava tu na rarawa?’ [Waraka me sauma.] Sa voleka sara me vakaotia na Kalou na leqa kece. [Wilika na Aisea 65:17.] Ia, ena gauna mada ga oqo, e sega ni vakaraica wale tu na Kalou na rarawa eda sotava tiko me vaka e vakamacalataka Na Vale ni Vakatawa oqo.”

Yadra! Okt.-Tis.

“Rawa beka ni oni raitayaloyalotaka na noda vuravura e sinai kina na duikaikai kei na duivosavosa, me dua ga na kena matanitu me liutaka? [Waraka me sauma.] E vuqa era kaya ni vinaka, ia era kila tale ga ni sega ni dua na matanitu ena vuravura oqo e rawa ni na kauta laivi na ivalu, veicati, basulawa kei na dravudravua. Sa raica rawa tu mai na noda Dauveibuli na tikina oqo, me vaka e tukuni tu ena iVolatabu. [Wilika na Same 46:8, 9.] Ena tabana 20 kei na 21 ni ilavelave ni Yadra! oqo, e veivosakitaki kina na matanitu ena cuqena na itovo vakalou, [vakaraitaka sara na kena iyaloyalo]. Au na marautaka meu vakamacalataka vei kemuni na sala ena tauyavutaka kina na Kalou na matanitu oqo ena noqu veisiko e tarava.”