Ka Mo Kaya me Baleta na iVoladraudrau

Na Vale ni Vakatawa 15 Sep.

Tukuna e dua na itukutuku e se qai yaco ga ena noda vanua se yalava. Taroga sara: “Cava nomu nanuma, e dusia tiko beka na noda gauna na tikinivolatabu oqo? [Wilika na 2 Timoci 3:1, qai waraka me sauma.] E vakamacalataki ena ivoladraudrau oqo e so na ivakadinadina nida sa bula tu ena iotioti ni veisiga, e vakaraitaka tale ga na ka e dodonu meda cakava.”

Yadra! Jul.-Sep.

“Eda na raici ira beka na wekada lomani era sa mate? [Waraka me sauma.] Rogoca mada na ka a yalataka o Jisu me baleti ira na mate. [Wilika na Joni 5:28, 29.] E vakamacalataki ena ivoladraudrau oqo na rai ni iVolatabu me baleta na ka ena yacovi keda nida sa mate.” Vakaraitaka na ulutaga ena tabana 26.

Na Vale ni Vakatawa 1 Okt.

“Era sa saga tiko na dauvakadidike mera walia na tauvimate, mera vakabalavutaka tale ga na noda bula. Ia, na cava nomu nanuma, ena yaco beka na gauna eda na bula tu ga kina me tawamudu? [Waraka me sauma.] E tiko na vuna eda dau via bula balavu kina. [Wilika na Dauvunau 3:11.] E vakamacalataki ena ivoladraudrau oqo na vuna e vakatikora kina ena lomada na Kalou na gagadre ni via bula tawamudu.”