Ka Mo Kaya me Baleta na iVoladraudrau

NA VALE NI VAKATAWA 15 Okt.

“Ena vakavinakataki beka vakacava na vuravura, me kunei kina na marau? [Waraka me sauma.] Eda tauyavutaka na veimataqali veiliutaki ena noda saga me toroi cake na bula. Ia ni rogoca mada na nona rai na Kalou. [Wilika na Jeremaia 10:23.] Na ulutaga oqo, ‘Rawati Vakacava na Vuravura e Kunei Kina na Marau?,’ e dusia na sala ena rawati kina.”

Yadra! Okt.-Tis.

“E sega nida vulagitaka na levu ni lotu i Viti. E vuqa era kaya ni lotu kece oqo era duidui sala ga me torovi kina na Kalou. Oni nanuma beka ni dua tiko ga na Kalou era dui vakatavulica tiko na veilotu kece? [Waraka me sauma.] E sega ni vakabekataki ni oni na duavata ina vakasama ni tikina bibi ga e ke na nona rai na Kalou. Ni rogoca mada na ka e kaya kina na iVolatabu. [Wilika na Maciu 7:13, 14.] Oni na taleitaka na wilika na ivola oqo, vakabibi na taro e koto ena taqana 28.” [Vakaraitaka vua na itaukeinivale na ulutaga, “Vakaevei na Lotu Kece, Era Duidui Sala ga me Torovi Kina na Kalou?”]

NA VALE NI VAKATAWA 1 Nov.

Kauta cake mai e dua na itukutuku ni ivakarau torosobu e se qai rogoci wale ga na kena yaco, qai taroga: “Na cava era cakava kina na ivakarau torosobu vaka oqo e so? Nida kila kece na duidui ni ka vinaka mai na ka ca, ia era se caka ca ga e levu. Na cava na vuna? [Waraka me sauma, wilika na Vakatakila 12:9.] Na ivola oqo e vakamacalataka ni rawa nida qarauni keda mai kina, oya ke vakavulici me taqomaki matua na noda lewaeloma.”