Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • km 12/01 t. 1
  • Na Koronivuli ni Vuli Vunau ni 2002

Sega na kena vidio.

Vosota, sega ni laurai rawa na vidio.

  • Na Koronivuli ni Vuli Vunau ni 2002
  • Noda Cakacaka Vakaitalatala—2001
  • iKuri ni Ulutaga
  • Na Koronivuli e Vakarautaki Keda ena Cakacaka Bibi Duadua
    Noda Cakacaka Vakaitalatala—2002
  • Na Koronivuli ni Vuli iTalatala Liutaki Vakalou ni 2001
    Noda Cakacaka Vakaitalatala—2000
  • Yaga Vakacava Vei Keda na Koronivuli ni Vuli Vunau?
    Noda Cakacaka Vakaitalatala—2004
  • Na Koronivuli ni Vuli Vunau ni 2015 ena Vakavinakataka na Noda Veivakavulici
    Noda Cakacaka Vakaitalatala—2014
Noda Cakacaka Vakaitalatala—2001
km 12/01 t. 1

Na Koronivuli ni Vuli Vunau ni 2002

1 E levu era sega ni dau raica tu vakabibi na kena rawa vei keda na tamata meda vosataka e dua na vosa. Ia na isolisoli i Jiova oqori. E vukei keda meda veitaratara kei ira na tani, eda talaucaka rawa tale ga kina na noda rai kei na lomada. O koya e bibi duadua, eda rawa ni vakacaucautaki koya na noda Kalou.​—Same 22:22; 1 Kor. 1:4-7.

2 Era vakavulici na tagane, yalewa, kei na gone ena Koronivuli ni Vuli Vunau mera kacivaka kina na yaca i Jiova. (Same 148:12, 13) Na porokaramu ni koronivuli ni 2002 e kovuta raraba na ivakavuvuli vakaivolatabu e yaga vei keda kei na kena eda rawa ni vakayagataka ena cakacaka vakaitalatala. Noda vakavakarau kei na noda vakaitavi ena koronivuli, ena rawa ni vakalevutaka noda kila kei na noda maqosataka na veivakavulici mai na Vosa ni Kalou.​—Same 45:1.

3 Wili iVolatabu e Veisiga: Kevaka e dau tu vakarawarawa na noda iVolatabu, e rawa nida vakayagataka noda gauna galala meda wilika kina. Ena vica na miniti eda galala ena veisiga e rawa sara ga nida wiliwili kina. Ena yaga sara kevaka me bau rawa ni wiliki mada ga e dua na taqana e veisiga, ni oqori ga na ka e gadrevi meda muria kina na ituvatuva ni wiliwili e tuvai ena porokaramu ni koronivuli!​—Same 1:1-3.

4 Nida wilika vinaka na iVolatabu eda na rawa ni tara kina na lomadra na rogoci keda, ena uqeti ira tale ga mera vakacaucautaki Jiova. Na tacida tagane e vakaitavi ena Vosa No. 2 me vakatovotovo, vakatovotovo, vakatovotovo wilivola vakadomoilevu. Na ivakatawa ni koronivuli ena veivakacaucautaki, ena vakatura tale ga e so na iwalewale me vakavinakataka na wiliwili.

5 Vakayagataka na iVola na Reasoning: Na Vosa No. 3 kei na No. 4 e yavutaki ena ivola na Reasoning. Levu vei keda e rawa nida dau vakayagataka vakawasoma na ivukevuke yaga oqo ena cakacaka vakavunau. Na tacida yalewa me digia na ituvatuva e ganita na yalava. Me dikeva vakavinaka na ivakatawa ni koronivuli nodra veivakavulici kei na nodra vakayagataka na iVolatabu na gonevuli.

6 Me vukei keda mada ga na Koronivuli ni Vuli Vunau meda vakayagataka tiko ga na isolisoli ni Kalou, na noda vosa, me kacivaki kina na itukutuku vinaka kei na noda vakacaucautaka noda Kalou cecere o Jiova!​—Same 34:1; Efeso 6:19.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta