Ka Mo Kaya me Baleta na iVoladraudrau

Na Vale ni Vakatawa 15 Epe.

“Se e vei ga na vanua era tu kina na tamata era vinakata tu na bula nuidei, me vaka beka nodra vaqara na cakacaka vinaka ra qai dei tale ga kina. Ia, o sa bau vakasamataka mada ni tiko e dua e vakarautaka na bula nuidei, o na nuidei tiko me tawamudu? [Wilika na Same 16:8, 9.] Na ilavelave ni Vale ni Vakatawa oqo e vakadikeva na vanua e rawa ni kune kina na nuidei dina.”

Yadra! Epe.-June

“Eda kila kece na ituvaki rarawataki ni vuravura oqo. Sa tekivu sara ga mai keri na nodra gadreva vakalevu na veivakacegui kei na veivukei na tamata. Na ulutaga oqo, kei na so tale, e vakamacalataka na veika era sa vakayacora tiko na iVakadinadina i Jiova mera vukei kina o ira na bula, na dauveivukei kei ira na rarawa voli.”

Na Vale ni Vakatawa 1 Me

“O kila beka e dua e tauvimate bibi se leqa tu na ituvaki ni yagona? Sega ni vakatitiqataki nira gadreva na veivakayaloqaqataki. Ia, na cava eda rawa ni kaya mera vakacegui kina? E tu ena iVolatabu na vosa e rawa nira nuitaka. [Wilika na Aisea 35:5, 6.] Na ilavelave ni Vale ni Vakatawa oqo e vakamacalataka na vuna eda rawa ni nuitaka kina ni na yaco dina na parofisai oqo.”