Ka Mo Kaya me Baleta na iVoladraudrau

NA VALE NI VAKATAWA 15 Epe.

“E so era dau nanuma tu ni veika kece e yaco ena noda bula e inaki ni Kalou, okati kina na vakacalaka. E dau vaka beka oya na nomu nanuma? [Waraka me sauma.] E levu era kila na masu oqo. [Wilika na Maciu 6:​10b.] Na cava na loma ni Kalou me baleti vuravura, ena qai vakayacori ni naica? E vakamacalataki ena ilavelave oqo na kena isau vakaivolatabu.”

Yadra! Epe.-June

“Eda vinakata kece meda raici ira na luveda mera marau mera na rawata vinaka tale ga na nodra bula. Cava beka o nanuma ena rawa ni vukei ira na gone ena vuravura ca oqo? [Waraka me sauma, qai wilika na Vosa Vakaibalebale 22:⁠6.] E vakamacalataki ena ilavelave ni Yadra! oqo na ka e rawa nira cakava na itubutubu mera qaravi vinaka kina na gone.”

NA VALE NI VAKATAWA 1 Me

“Ena nodra saga e so na iliuliu ni lotu mera vakavinakataka na bula ni tamata era sa lai vakaitavi kina ena ka vakapolitiki. Ia, raica mada na ka a cakava o Jisu ena nodra saga na tamata ena gauna oya mera buli koya me tui. [Wilika na Joni 6:​15.] E vakaliuca tiko ga o Jisu na ka ena tawamudu na kena yaga. E vakamacalataki ena ilavelave oqo na ka oya.”