E Levu Beka na Yalava ni Nomu iVavakoso?
1 Mai na veikorokoro e Jutia ina taudaku ni korolevu o Kalili, a kovuta na yalava levu e Isireli makawa o Jisu ena nona vunau voli. (Mari. 1:38, 39; Luke 23:5) Meda tukuna tale ga na itukutuku vinaka ena kena levu eda rawata mera rogoca e lewe levu na tamata. (Mari. 13:10) Ia, e rawa ni ka ni bolebole oqo. Baleta?
2 E levu na yalava ena vuqa na ivavakoso e Viti era tu ena taudaku ni korolevu, e kovuta e levu na vanua. Na cava e rawa ni caka mera vukei kina na tiko ena yalava levu oqo mera vulica na ka dina me baleti Jiova, o Jisu kei na Matanitu?
3 Tuvanaki Vakamatau: Me rau raica na ivakatawa ni cakacaka kei na tacida e qarava na yalava ni cakacaka na sasaga ni ivavakoso me kovuta vinaka na yalava. De dua e rawa ni tuvai e so na Vakarauwai me siga lavotaki ni levu e rawa nira cakacaka vakavunau kina ena siga taucoko. Ni cakacakataki e rawa nira vakabula gauna na cakacaka tiko ena nodra yalava na vulagi ke kilai na yacadra na toki vou yani, nodra itikotiko qai tiko e dua na mape vou. Me qai tuvai na yalava me rawa ni dua na iwasewase e lai vunau vei ira oqori. Ke vanua yawa, lalawataka mo cakacaka vakadede kina, qai kauta tale ga na kemu ivakasigalevu. E rawa ni dou sota totolo ni bera ni dou qai lako yani ina vanua ena cakacakataki se dou sota ga ena vanua e voleka kina na yalava. Me lalai toka ga na iwasewase era cakacaka me rawa ni rauti ira na vale e tarai. Tuvanaka me tarai na yalava ena lomanivanua ni vinaka na draki kei na gaunisala.
4 E rawa nira vakabula gauna na cakacaka tiko ena nodra yalava na vulagi ke kilai na yacadra na toki vou yani, nodra itikotiko qai tiko e dua na mape vou. Me qai tuvai na yalava me rawa ni dua na iwasewase e lai vunau vei ira oqori.
5 Mo kauta toka e levu na ivoladraudrau kei na ivola vakaivolatabu tale e so. Kevaka e sega ni dau tarai vakawasoma na yalava oya, e vinaka mo biuta toka yani e dua na ivolacebaceba se ivoladraudrau makawa ena vale e lala tu. Ke sa tabaki oti ena nomu vosa na ivolacebaceba Oni Via Kila Vinaka na iVolatabu?, mo qai solia vei ira kece o sotava qai biuta tale ga ena vale e lala tu.
6 Dau Veitokoni: Ni cakacakataki e dua na yalava levu ena vinakati na nodra veitokoni na lewe ni ivavakoso kece. Gauna e vakayagataki kina vakalevu na motoka, era na veivuketaka na isau ni waiwai o ira na vodo tiko. Mo yalomatua ni o sotava e dua e taleitaka mo drau veitalanoa. Mo dau kauaitaka na kena gadrevi mera tarai na tamata kece ena yalava, qai nanumi ira tale ga na lewe ni nomu iwasewase era waraki iko tiko. Kevaka o vinakata mo tomana na nomudrau veitalanoa kei koya e tataleitaki, e rawa beka ni o tuvanaka mera kua ni qai waraki iko tiko na kena vo?
7 Mo lalawataka sara ga na nomu sikovi ira lesu na tataleitaki. Me ikuri ni nomu kila na vanua e vakaitikotiko kina, saga mo kila tale ga na nona naba ni talevoni me tomani na nomudrau veitalanoa. Kevaka era sega ni vakanabataki na vale se gaunisala ena taudaku ni korolevu, droinitaka na mape se ivakamacala mera kunei kina na tataleitaki.
8 Sa dua dina na itavi dokai oqo meda vakayacora na ivakasala i Jisu: “E na koro kece ga dou curu kina, dou vakataroga se ko cei na tamata dina e tiko kina”! (Maciu 10:11, VV) Ena vakalougatataka dina o Jiova na nomu soli iko vakalevu ena cakacaka yaga oqo!